影片
更多
2023-07-31
790 瀏覽
🍴墨西哥烤餅 伊比利亞豬肉 蝦 芝士 錦鹵汁 $98 (3/10)錦滷汁係中式雲吞點嘅汁，食落去好似中式牛柳酸甜味，加埋菠蘿三色椒同洋蔥🤣豬肉有啲鞋口，蝦爽口，個燒餅入面夾左芝士同個汁唔太夾，唔可以話難食，但好怪😂ammm配個飯會似茶記食到嘅嘢，唔好叫。🍴 煙燻豬豬卡邦尼 $120 (5/10)話係不含忌廉但含有生雞蛋和芝士而成的新鲜蛋汁，食落去毫無驚喜，好淡，食唔到蛋味食唔到芝士味，得少少黑椒味，個煙燻豬係甜嘅，唔係鹹香，好似蜜汁叉燒，味道一般，啲人又話勁好食？😂😂😂😂🍴慢煮西班牙伊比利亞黑毛豬 $198 (8.5/10)呢個真心好食，個豬煎得啱啱好，肉質彈牙嫩滑有豬肉香，又有肉汁，不過食落去就有浸苦苦地嘅咖啡味，又有少少蜜糖嘅甜味，配菜係薯仔同埋紅蘿蔔，薯仔焗到非常之乾，冇晒水份，唔好食，所以扣咗啲分。🍴經典法式多士 焦糖香蕉 雪糕 $92 (9/10)意外好大份，有兩塊多士，浸滿左牛奶同雞蛋去煎，食落去係濕潤嘅蛋糕，好有蛋味，軟腍玉子燒質感但又唔會好鬆散，焦糖香蕉好脆好好食，雪糕係雲呢拿味，唔會好甜OK的，整體嚟講幾好食！推薦指數: 8/10冇網上啲人講到乜嘢都好好食，個人覺得
🍴墨西哥烤餅 伊比利亞豬肉 蝦 芝士 錦鹵汁 $98 (3/10)
錦滷汁係中式雲吞點嘅汁，食落去好似中式牛柳酸甜味，加埋菠蘿三色椒同洋蔥🤣豬肉有啲鞋口，蝦爽口，個燒餅入面夾左芝士同個汁唔太夾，唔可以話難食，但好怪😂ammm配個飯會似茶記食到嘅嘢，唔好叫。
🍴 煙燻豬豬卡邦尼 $120 (5/10)
話係不含忌廉但含有生雞蛋和芝士而成的新鲜蛋汁，食落去毫無驚喜，好淡，食唔到蛋味食唔到芝士味，得少少黑椒味，個煙燻豬係甜嘅，唔係鹹香，好似蜜汁叉燒，味道一般，啲人又話勁好食？😂😂😂😂
🍴慢煮西班牙伊比利亞黑毛豬 $198 (8.5/10)
呢個真心好食，個豬煎得啱啱好，肉質彈牙嫩滑有豬肉香，又有肉汁，不過食落去就有浸苦苦地嘅咖啡味，又有少少蜜糖嘅甜味，配菜係薯仔同埋紅蘿蔔，薯仔焗到非常之乾，冇晒水份，唔好食，所以扣咗啲分。
🍴經典法式多士 焦糖香蕉 雪糕 $92 (9/10)
意外好大份，有兩塊多士，浸滿左牛奶同雞蛋去煎，食落去係濕潤嘅蛋糕，好有蛋味，軟腍玉子燒質感但又唔會好鬆散，焦糖香蕉好脆好好食，雪糕係雲呢拿味，唔會好甜OK的，整體嚟講幾好食！
推薦指數: 8/10
冇網上啲人講到乜嘢都好好食，個人覺得意粉同埋墨西哥餅就麻麻哋，但係個豬同多士係真係好食，都會推薦，想食要打電話book位，餐廳服務好好都幾細心！
張貼
