626
73
10
等級3
39
0
☕️ 觀塘人氣兼必食高質Café
2024-04-20 587 瀏覽
每次朋友問我去觀塘聚會食咩，我都一定會推薦呢一間Café。雖然暫時喺我心目中未有Café排名，但係呢一間真係前三都走唔甩。冇得book位淨係可以walk in，通常我自己五點就會過嚟等位。我覺得佢啲主食同埋甜品都一樣咁出色，坐都坐得好舒服，我成日都同啲朋友講笑話呢一間係我嘅canteen。‣ 蜜糖芥末雞翼 $68食咗真係至少有十幾次，啲雞翼永遠都係咁大隻又脆卜卜，雞翼多汁嫩滑，好鍾意蜜糖芥末嗰浸味。不過食到最後永遠我啲朋友都會食唔晒雞翼，因為都幾濃味，如果唔快啲食晒佢嘅話去到最後都會幾膩。‣ 和風火炙帆立貝意粉 $138見到嗰陣覺得好得意，好似大阪燒嘅汁再搭配意粉，食之前冇話抱好大期望，但係食落去嘅時候又覺得幾過癮。確實都真係大阪燒嘅汁，但係原來搭配意粉都幾好食，食吓食吓不知不覺就食晒。‣ 肉醬意粉 $96基本上我每次嚟都會嗌肉醬意粉，同埋好鍾意同朋友share食，通常都會嗌多啲小食，例如薯條。我覺得佢比嘅肉醬相當之足料，而且你見到芝士冚住晒成個意粉，所以一定要趁熱食，如果攤凍咗，啲芝士就會黐住晒。‣ 開心果忌廉配新鮮士多啤梨疏乎厘班戟 $138佢嘅疏乎厘班戟喺必嗌，有時唔同嘅季節佢都
更多
每次朋友問我去觀塘聚會食咩，我都一定會推薦呢一間Café。雖然暫時喺我心目中未有Café排名，但係呢一間真係前三都走唔甩。冇得book位淨係可以walk in，通常我自己五點就會過嚟等位。我覺得佢啲主食同埋甜品都一樣咁出色，坐都坐得好舒服，我成日都同啲朋友講笑話呢一間係我嘅canteen。
13 瀏覽
0 讚好
0 留言
‣ 蜜糖芥末雞翼 $68
食咗真係至少有十幾次，啲雞翼永遠都係咁大隻又脆卜卜，雞翼多汁嫩滑，好鍾意蜜糖芥末嗰浸味。不過食到最後永遠我啲朋友都會食唔晒雞翼，因為都幾濃味，如果唔快啲食晒佢嘅話去到最後都會幾膩。
6 瀏覽
0 讚好
0 留言
‣ 和風火炙帆立貝意粉 $138
見到嗰陣覺得好得意，好似大阪燒嘅汁再搭配意粉，食之前冇話抱好大期望，但係食落去嘅時候又覺得幾過癮。確實都真係大阪燒嘅汁，但係原來搭配意粉都幾好食，食吓食吓不知不覺就食晒。
10 瀏覽
0 讚好
0 留言
‣ 肉醬意粉 $96
基本上我每次嚟都會嗌肉醬意粉，同埋好鍾意同朋友share食，通常都會嗌多啲小食，例如薯條。我覺得佢比嘅肉醬相當之足料，而且你見到芝士冚住晒成個意粉，所以一定要趁熱食，如果攤凍咗，啲芝士就會黐住晒。
15 瀏覽
0 讚好
0 留言
‣ 開心果忌廉配新鮮士多啤梨疏乎厘班戟 $138
佢嘅疏乎厘班戟喺必嗌，有時唔同嘅季節佢都會有唔同嘅季節限定口味，我每次喺到食嘅時候，都會諗返起喺日本食疏乎厘班戟嘅味，真係做到嗰種輕盈嘅感覺，你又唔會覺得自己好似食空氣。唔同嘅味道我都試過晒，好難揀到一款好鍾意，今次第一次試開心果，我覺得佢嘅開心果味都好濃郁，相當推薦大家試吓。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食