正點心 (已結業)

太耐無食點心，今日去開美孚想去食下呢間長期好多好評嘅點心店。一入到去，見到大家食緊嘅點心都好精美！三隻小豬係流心奶黃包，勁香口，啲奶黃真係流心出黎，熱辣辣，食落去好滋味。一籃紫係超香甜嘅安納糖心紫薯酥，勁似一個真蕃薯還原，外皮炸得好鬆香，入面嘅紫薯好清甜，一定要趁熱食，香噴噴。姫松茸螺頭燉雞叫咗佢地嘅燉湯試下，果然真材實料，飲得出濃濃的螺頭味，入面仲有瑤柱同瘦肉，係老火湯的味道，好滋補。盆滿砵滿的點心整得好精緻，入面的鳳眼餃包到好似栩栩如生的金魚，簡直畫龍點精，蝦肉新鮮彈牙，呢個點心係佢地招牌！