小滿定律

營業中

休息中

趁着聖誕假期去咗西貢～下午茶嘅時候就試咗呢間好出名好多人推介嘅乳酪雪糕🍦😍佢哋門口長期都有人龍，雖然每杯雪糕都係即叫即整，但無想像中排咁耐，而室內同室外都各有兩個座位，如果唔介意身邊企滿晒人排隊，都可以食埋先走🤣呢到嘅配料選擇都幾多同幾特別，有成22款，仲有4款醬汁，有時仲會有期間限定嘅配料同醬汁，我嗰日去就有肉桂蘋果同埋肉桂糖粉🍎 •🥢杯裝乳酪雪糕 (3配料 & 1醬汁) $58📸 芒果、海鹽焦糖脆脆、蘆薈、美祿粉📸 海鹽焦糖脆脆、朱古力脆珠 、肉桂蘋果、蜜糖雖然就咁睇價錢$58都唔平，但其實乳酪雪糕份量唔細，每款配料仲落得好足料，食落大滿足🥳 呢度嘅乳酪雪糕係用咗Greek Yogurt，乳酪味道濃郁啲，亦都無咁甜，加埋配料同醬汁嘅甜味就啱啱好👍🏼～ 雪糕嘅質地都比較濃厚同竭少少，感覺好似無普通雪糕溶得咁快😛海鹽焦糖脆脆係人氣配料top 1，脆脆哋，焦糖味濃郁但唔會死甜，唯一缺點就係會有啲啲黐牙🫢🥭當日嘅芒果非常新鮮，酸酸甜甜同乳酪好夾；而肉桂蘋果就有滿滿嘅肉桂粉包住爽脆蘋果🍎，個人認為同乳酪雪糕唔算好夾🫣美祿粉意想不到地同乳酪雪糕都幾夾，不過美祿粉只係得表面有，所以底下嘅乳酪雪糕