影片
更多
2019-08-04
69 瀏覽
西營盤嘅@popstreethk 舖頭細細，西餐好高質 即刻行入去，個環境已經好好，有用心設計過 餐牌 台式鹹濕手撕雞沙律 $58 除左手撕雞之外，仲有好多蔬菜 好多生菜、車厘茄，吸收豉油同麻油嘅香味，另外紫色白色嘅，應該係 蕪菁(波子蘿蔔)，味道清新。再之後食到少少酸味，原來底下嘅紅蘿蔔題同白蘿蔔有醃過，有驚喜。 啖啖胡椒蟹肉雲吞撻 $58 下面雲吞脆皮好熱，但蟹肉係凍嘅，有少少冰火嘅效果。淡淡胡椒香味，同埋生蔥，可以促進蟹肉嘅鮮味，凍蟹肉都唔會腥，結果配合得好好。 R Lychee 坳荔枝 $78 成分寫有荔枝酒，呢個係一開始就試到嘅味道，味道好出。之後到Campari，但果汁味道唔算好重，但感覺都好夾。 鮮茄醬燴雜菜扁麵 $82 意粉Al Dente，都吸收到好多有果肉嘅茄醬，就咁已經唔錯。蔬菜方面都唔係得番茄仲有秋葵、蘆筍，同羽衣甘藍。第一次食到熟嘅羽衣甘藍，味道苦苦地，似芥蘭；切開嘅秋葵，有少少粘液，配合頭先咁多樣嘢，有驚喜 Poutine 拉絲芝士牛坑腩焗薯條 $68 薯條有肉汁，牛腩都好碎，感覺唔似牛腩，少少似牛尾，或者面頰嘅感覺。但
西營盤嘅@popstreethk 舖頭細細，西餐好高質
即刻行入去，個環境已經好好，有用心設計過
餐牌
台式鹹濕手撕雞沙律 $58
除左手撕雞之外，仲有好多蔬菜
好多生菜、車厘茄，吸收豉油同麻油嘅香味，另外紫色白色嘅，應該係 蕪菁(波子蘿蔔)，味道清新。再之後食到少少酸味，原來底下嘅紅蘿蔔題同白蘿蔔有醃過，有驚喜。
啖啖胡椒蟹肉雲吞撻 $58
下面雲吞脆皮好熱，但蟹肉係凍嘅，有少少冰火嘅效果。淡淡胡椒香味，同埋生蔥，可以促進蟹肉嘅鮮味，凍蟹肉都唔會腥，結果配合得好好。
R Lychee 坳荔枝 $78
成分寫有荔枝酒，呢個係一開始就試到嘅味道，味道好出。之後到Campari，但果汁味道唔算好重，但感覺都好夾。
鮮茄醬燴雜菜扁麵 $82
意粉Al Dente，都吸收到好多有果肉嘅茄醬，就咁已經唔錯。蔬菜方面都唔係得番茄仲有秋葵、蘆筍，同羽衣甘藍。第一次食到熟嘅羽衣甘藍，味道苦苦地，似芥蘭；切開嘅秋葵，有少少粘液，配合頭先咁多樣嘢，有驚喜
Poutine 拉絲芝士牛坑腩焗薯條 $68
薯條有肉汁，牛腩都好碎，感覺唔似牛腩，少少似牛尾，或者面頰嘅感覺。但原來呢個係店內為香港人改良口味。侍應哥哥話Poutine其實係加拿大嘢，佢地唔會有牛腩(或者得碎)，薯條都唔會焗，直接用燒汁整融啲薯條，薯條會吸曬汁。但佢地發現香港人唔會鍾意，香港人鍾意薯條有啲脆。呢種做法，外國人都會欣賞。
紅莓香橙朱古力布朗尼 $58
一般出面食Browine都係好硬嘅，佢地用好多糖同牛油製造Creamy嘅效果，咁會好膩嘅。侍應哥哥話，所以佢地嘅Brownie就會特登切啲橙皮落去，咁會香好多，融融地嘅朱古力，好過以前食過嘅Browine好多。伴碟嘅少少紅莓，酸酸地，加埋打出來嘅淡忌廉，好好食到朱古力味。
食完，走人
張貼
