影片
更多
2019-07-02
1032 瀏覽
以往出入北角，多數是在尋找舊書，在大街小巷往來穿梭，很有尋幽探秘的氛圍。近年多了酒店進駐，一間又一間的，大有開始戰國時代的感覺。新的不說，最具歷史的，想必是城市花園酒店。差不多每隔一段日子便會造訪餐廳，今次便跟太太及細仔，試試最新的自助餐。餐廳每晚都會即場推出一次過的美食，今次就有三款。先係威靈頓牛柳，可能排得太前，所以牛肉比較熟，中間位會好好多，外層酥皮幾鬆化。接著上場係北京填鴨，由於酒店本身有中菜廳，填鴨真係熱辣辣，仲要有專人幫妳包好，的確好方便。西班牙海鮮飯 超大鑊上場，海鮮料豐富，鮮魷、青口、海蝦同帶子，飯粒略嫌些少稔身，但太大個鑊煮，火喉不易控制是真的。一口氣講完三款特色美食之後，帶大家睇下平日提供的菜色。即蒸海鮮 今次提供粉絲蒸扇貝，唔知點解，總係覺得粉絲蘸了蒜香同海鮮汁，往往比主角吸引。海鮮 有滿膏麵包蟹；煙韌既翡翠螺；嫩滑既藍貝，仲有青口、蟹腳同凍蝦。刺身 大大隻甜蝦、鮮甜既鯛魚、柔韌既八爪魚，加埋三文魚同吞拿魚，種類都不少。Carving Station 燒肉眼 取了中間位置一片，肉質較生，味道較濃，而且有嚼口，不錯。燴牛肋骨 燴得幾稔，好
近年多了酒店進駐，一間又一間的，大有開始戰國時代的感覺。
新的不說，最具歷史的，想必是城市花園酒店。
差不多每隔一段日子便會造訪餐廳，今次便跟太太及細仔，試試最新的自助餐。
餐廳每晚都會即場推出一次過的美食，今次就有三款。
先係威靈頓牛柳，可能排得太前，所以牛肉比較熟，中間位會好好多，外層酥皮幾鬆化。
接著上場係北京填鴨，由於酒店本身有中菜廳，填鴨真係熱辣辣，仲要有專人幫妳包好，的確好方便。
西班牙海鮮飯
超大鑊上場，海鮮料豐富，鮮魷、青口、海蝦同帶子，飯粒略嫌些少稔身，但太大個鑊煮，火喉不易控制是真的。
一口氣講完三款特色美食之後，帶大家睇下平日提供的菜色。
即蒸海鮮
今次提供粉絲蒸扇貝，唔知點解，總係覺得粉絲蘸了蒜香同海鮮汁，往往比主角吸引。
海鮮
有滿膏麵包蟹；煙韌既翡翠螺；嫩滑既藍貝，仲有青口、蟹腳同凍蝦。
刺身
大大隻甜蝦、鮮甜既鯛魚、柔韌既八爪魚，加埋三文魚同吞拿魚，種類都不少。
Carving Station
燒肉眼
取了中間位置一片，肉質較生，味道較濃，而且有嚼口，不錯。
燴牛肋骨
燴得幾稔，好惹味。
串燒
大蝦燒得蝦殼脆卜卜，好香口。
仲有雞翼、鯖魚及菠蘿。
炸魚
全部都是即炸，脆漿幾薄，內裡軟綿綿，最啱送啤酒。
湯
螺頭煲雞湯
好夠火喉，入口醇香，正。
西蘭花忌廉湯
質感滑溜又鮮甜，好飲。
熱葷
同樣是貴精不貴多，先試好少食到既泰式炸皮蛋，味道獨特，但都幾大隻，食多半隻隨時飽。
韓式炸雞
自從韓國神劇出現後，就多了人愛上炸雞，家陣無須去專門店都有得食，多好。
其他熱葷仲有日式章魚燒、韭菜豬紅、豆腐班腩煲、清蒸鱸魚及柴魚花生粥。
燒味
只提供油雞一樣，如果可以加多一兩款會更好。
麵檔
配料有冬菇、牛丸、魚蛋及肥牛，粉底有檬粉及河粉，再澆上冬陰功湯或雲吞湯，老實講，冬陰公湯底真係幾辣。
前菜
每樣都是一小碟，可以試多幾款，真係好方便。
海蜇清新爽脆、口水雞辛辣肉滑，加埋皮蛋豆腐、五香牛及水晶餚肉，提供全中式前菜。
Cold Cut 有煙三文魚、火腿及莎樂美腸。
沙律
DIY沙律好多Buffet都有，但用水耕菜的大概自此一家。
甜品
Häagen-Dazs雪糕
餐廳經常搶先一步，供應不同口味的雪糕，今次是茉莉花紅桑子石榴與及橙花，但已是最後一天供應。
（文章出街日，已經改為 Kiwi & Mango 及 Zesty Yuzu & Orange）
其他口味是冧酒提子 、芒果、芒果雪葩、曲奇雲呢拿、香檸雪葩、士多啤梨芝士餅、牛奶拖肥及咖啡。
客人還可以炮製自家口味台式芋圓。
至於大堂入口處有即制班戟，大家可選什果、草莓或香蕉底，喜歡的，還可以加配雪糕呢！
而即製雞蛋仔，又係好吸引小朋友的另一種甜品。
加上班蘭蛋糕、芝士餅、拿破崙、紅桑子蛋糕、奶凍、黑森林蛋糕及檸檬撻，都是自家餅房出品，貴精不貴多。
飲品
除了任飲奶茶、咖啡同TWININGS茶外，啤酒、汽水、橙汁、士多啤梨蘋果茶及含酒精特飲。
P.S : 星期一至四
成人原價 $559 長者 $515 小童$416，指定信用卡折實後是 $407 $375 $303
星期五至日及公眾假期
成人原價 $603 長者$548 小童$438，折實後是 $466 $424 $339
張貼
