影片
更多
2015-12-23
4068 瀏覽
依家食蠔喺好普遍嘅一件事，但要食到高質素，又抵嘅地方就未必多。之前都去過好幾間餐廳，都有生蠔供應，而且款式多，水準高，的確令人回味。今晚嚟到The Oyster House，睇名你就知目的何在，同朋友一於亳不留情盡嚐美味新鮮生蠔 。鋪內地方唔細，並且採用可開放式摺門，可惜，枱與枱之間實在排得太密集 。猶幸，環境在燈光及一室木系嘅枱櫈下，仍讓人感到有氣氛 ，再者，嚟嘅都喺斯文客，懂得放低音量，免騷擾他人。是晚生蠔就肯定喺其中一位主角，再翻一翻餐牌，生蠔、海鮮以外，仲有好多菜式，以意大利菜式為主，包括：沙律、前菜及小食、自大家製意大利麵、薄餅、廚師精選菜式、多款主菜、甜品……等等 ，所以，就算唔食蠔都唔使擔心無嘢揀 。此外，喜歡食海鮮，又想多元化，更想優惠抵食，以下依個海鮮拼盤（生蠔、海膽、帶子、鮑魚及熟蝦各兩件，只賣$99）真喺平靚正，抵到暈 ，「求其」抽其中兩樣都唔止$99啦。點解我無試，只限星期一、二囉！唉 ！好在優惠豈止一個，只要每個客人計，惠顧兩杯餐酒，任何生蠔都有六折優惠，計計數，食得生蠔少就唔划算，食得多就有數圍，再者，生蠔款式又多 ！ 意大利香草包
鋪內地方唔細，並且採用可開放式摺門，可惜，枱與枱之間實在排得太密集 。猶幸，環境在燈光及一室木系嘅枱櫈下，仍讓人感到有氣氛 ，再者，嚟嘅都喺斯文客，懂得放低音量，免騷擾他人。
是晚生蠔就肯定喺其中一位主角，再翻一翻餐牌，生蠔、海鮮以外，仲有好多菜式，以意大利菜式為主，包括：沙律、前菜及小食、自大家製意大利麵、薄餅、廚師精選菜式、多款主菜、甜品……等等 ，所以，就算唔食蠔都唔使擔心無嘢揀 。
此外，喜歡食海鮮，又想多元化，更想優惠抵食，以下依個海鮮拼盤（生蠔、海膽、帶子、鮑魚及熟蝦各兩件，只賣$99）真喺平靚正，抵到暈 ，「求其」抽其中兩樣都唔止$99啦。點解我無試，只限星期一、二囉！唉 ！
好在優惠豈止一個，只要每個客人計，惠顧兩杯餐酒，任何生蠔都有六折優惠，計計數，食得生蠔少就唔划算，食得多就有數圍，再者，生蠔款式又多 ！
意大利香草包 點好餐後，徐徐送上就喺意大利香草包，枱上已有黑醋及橄欖油供客人使用。微暖嘅香草包輕盈清香，讓胃口為餐前作個輕鬆準備。
白酒 $65 紅肉配紅酒，白肉配白酒，小弟嘅飲酒理論就喺咁膚淺，皆因平常都唔多飲，只喺高興場個呷幾啖。嚟自澳洲嘅白餐酒（名字忘記咗），清澈晶瑩，入口帶點果酸香，酒精度唔太高，都頗易入口，啱晒我喎！再者，配合稍後享用嘅海鮮，感覺的確唔錯！
生蠔拼盤 雖然有十多款生蠔，但未必樣樣都有齊，況且，對蠔嘅認識小弟都喺屬於有限公司，所以，對店長講咗唔同地方嘅生蠔想試吓，唔同味道、口感嘅又想試，價錢最好平貴都有啲啦，最後，店長就推介咗以下款式。最欣賞佢哋開蠔俐落，既無碎殼，又細心去埋帶子位方便食用，一撩，一啖，搞掂 ！
生蠔拼盤
87 瀏覽
2 讚好
0 留言
美國品種，4隻中體積最小巧嘅一款，海水味唔強，口感帶少少綿柔，但蠔味唔失禮，頗適合初食蠔或唔鍾意太重味嘅客人。個人喜好，只唧少少檸汁提鮮，甚至雞尾醬都唔好落。
Rollex $42 南非品種，較Willapa大隻少少，海水味突出啲，又唔會太鹹，味道較甜，口感非常綿滑，喺我哋今晚較喜歡嘅品種。
Spanish Rock $49 西班牙品種，舉足輕重嘅份量，喺是晚最有睇頭嘅品種，絕對滿足大大啖嘅慾望。海水味好強勁，證明佢哋唔會搵大量清水去沖洗啲蠔，保持蠔身嘅海水原味，之但喺依一款有點過鹹嘅感覺，所以，多唧啲檸汁喺明智之舉，口感爽脆跟前兩者好唔同。
La Boite a Bijoux $54 法國品種，幾款中以依款法國蠔嘅蠔味最濃，海水嘅鹹味僅次於隻西班牙蠔，入口同樣爽脆而餘韻長。
幾款蠔的確各有特色，讓人有唔同嘅體驗！既然毫不留情海鮮之夜，就當然要繼續品嚐海鮮菜式，但估唔到之後試嘅廚師特色海鮮菜式都咁有驚喜。翡翠螺 $108
餐牌寫住用上法國貨色，敢寫得咁明確自然有信心啲，一客有8粒，最鍾意喺佢起晒殼，去埋腸，唔使自己搞，一拮就食得，擺一粒殼做裝飾，朋友話增加佢嘅意識形態喎，哈哈！翡翠螺彈牙有咬口, 伴上自家調製嘅辣醬，沾少少，令鮮味更突出，伴碟嘅青瓜條亦好爽脆。
翡翠螺
$108
48 瀏覽
1 讚好
0 留言
生蠔新鮮好食，熟蠔做得又如何？珍珠蠔以巴馬火腿卷、青瓜片疊住捲起，內裡更加埋紫洋蔥、甘筍條、九芽菜，口感非常豐富，味道鹹香有層次，蠔味亦相對濃郁，精采嘅前菜。
巴馬火腿生蠔卷
$108
37 瀏覽
1 讚好
0 留言
試過多款海鮮菜式，帶嚟滿腔滋味。跟住想清清哋清新一吓味蕾，所以，揀咗一道沙律作間場，以準備迎接下一道菜。牛油果煙三文魚沙律 $108
個沙律其實好簡單，就喺牛油果、煙三文魚、紫洋蔥、菠菜嘅組合，淋上自家醋汁，酸香醒胃，唔算有咩驚喜，勝在用料唔錯，夠平穩。
牛油果煙三文魚沙律
$108
38 瀏覽
1 讚好
0 留言
主菜我哋只揀一客肉眼扒就夠晒，因為一客有成300g，仲有伴菜份量都唔嘢少，啲薯蓉軟滑又添加咗少少香草香味，烤什菜亦唔錯；件肉眼又如何呢？賣相充滿炭燒坑紋，帶焦香，好吸引，切開睇落好似過咗五成熟，不過，入口又確喺不俗，肉質軟腍富肉香，咬落又夠肉汁 。
炭燒美國安格斯肉眼扒
$235
51 瀏覽
1 讚好
0 留言
甜品共有4款選擇，包括招牌嘅香蕉拖肥批、意大利芝士蛋糕、雲呢嗱雪糕及心太軟朱古力蛋糕，原意打算叫頭兩款，可惜大家胃納有限，連一向對甜品有殺錯、無放過嘅小弟，都真喺食得幾飽，所以，只點選招牌一款。
香蕉拖肥批 $55 見好多人都推介依一道甜品，加上香蕉及拖肥兩樣「飛弗」食材，又點會錯過呢！以消化餅底做批底，欣賞佢做得夠薄，鋪上拖肥醬之後，放上香蕉，再填滿焦糖忌廉，垂直軋一小件放入口，濃香滋味。雖然用上拖肥，亦無預期中過甜嘅情況，甜度可以話恰到好處 。
香蕉拖肥批
$55
78 瀏覽
1 讚好
0 留言
早段上菜速度啱啱好，一道菜接一道菜，唔會太急，又唔會等太耐。不過，去到肉眼就等咗好耐，服務上叫做有少少瑕疵，然而整體都好到位，斟水、換碟都勤快做足。喜歡食海鮮菜式，又鍾意唔同食法嚟嘆海鮮，更想有情調環境去享受一下，依度的確喺個上算嘅選擇 。
張貼
