更多
2020-03-02
109 瀏覽
謝謝儂我又嚟啦!原來謝謝儂係淘太開左分店,離我工作地方好近。淘太分店超大,面積起碼係將軍澳分店嘅一倍。餐廳有一個創意蟹粉系列,款款都想食🤤- 蟹粉小籠包外皮厚度適中,夾起時侯唔會輕易破掉,咬開上層外皮已經聞到蟹黃鮮味,湯汁如瀑布一湧而出,齒夾留香。- 賽螃蟹雖然賽螃蟹係著名北京菜,但我同女友都係第一次試,真係井底之蛙。口感嫩滑幾似蟹肉,點埋醋食真係送飯一流。- 酸菜煮桂花魚魚肉非常原整,完全無骨。湯底酸,麻集於一身,底部更加內有乾坤,有大量水晶粉,索曬汁非常惹味。蟹粉小籠包真係好出色,等我試埋其餘蟹粉系列嘅菜式!
張貼