影片
更多
2023-11-10
604 瀏覽
檸檬冰室 Lemon Cafe📍葵涌禾葵里2號葵興商場地下10-12號舖老爸喺葵涌返工，趁今日佢放早，搵佢食個下午茶先。同老爸食當然食返啲港式味道啦，見附近嘅葵興邨有間全間都係黃色嘅冰室，午市同下午茶價錢相當經濟實惠，所以就決定喺度食啦。 💰$47吉列魚柳 🐟呢個皇牌吉列魚柳下午茶餐好豐富，配以香腸、炒滑蛋、丹麥麵包同薯茸，加埋杯冷檸茶先係$50，好抵食。佢嘅炒滑蛋滑捋捋，重牛油香味，放喺層次感滿滿嘅烤丹麥麵包上面食就最啱。好欣賞佢唔係用一般嘅白麵包，而係用油酥感較重嘅丹麥麵包，雖然肥就肥啲，但久唔久食一次都幾過癮。凍薯茸無額外調味，可以食到薯仔原味，口感厚實但不油膩。主角吉列魚柳大過我一隻手掌，麵衣炸得香脆，切落去真係索索聲，外脆內軟嘅魚柳無落太多調味，配埋沙律醬食，還原港式茶餐廳、冰室味道！ 💰$39羅宋湯餐肉粒通粉 🥫之前睇新聞有見過有人食羅宋湯餐肉粒通粉，話餐廳好孤寒，果然成碗通粉，只得數粒細粒嘅午餐肉，分分鐘堆埋都唔夠半塊，水平真係好參差。但呢間冰室嘅餐肉粒唔單止大粒，而且一小碗通粉入面有八大粒餐肉，唔洗用放大鏡都搵到粒粒餐肉！而且佢嘅羅宋湯底好濃郁，亦有唔少新鮮蔬菜，通粉唔
📍葵涌禾葵里2號葵興商場地下10-12號舖
老爸喺葵涌返工，趁今日佢放早，搵佢食個下午茶先。同老爸食當然食返啲港式味道啦，見附近嘅葵興邨有間全間都係黃色嘅冰室，午市同下午茶價錢相當經濟實惠，所以就決定喺度食啦。
[價錢 Price]
💰$47
吉列魚柳 🐟
呢個皇牌吉列魚柳下午茶餐好豐富，配以香腸、炒滑蛋、丹麥麵包同薯茸，加埋杯冷檸茶先係$50，好抵食。佢嘅炒滑蛋滑捋捋，重牛油香味，放喺層次感滿滿嘅烤丹麥麵包上面食就最啱。好欣賞佢唔係用一般嘅白麵包，而係用油酥感較重嘅丹麥麵包，雖然肥就肥啲，但久唔久食一次都幾過癮。凍薯茸無額外調味，可以食到薯仔原味，口感厚實但不油膩。主角吉列魚柳大過我一隻手掌，麵衣炸得香脆，切落去真係索索聲，外脆內軟嘅魚柳無落太多調味，配埋沙律醬食，還原港式茶餐廳、冰室味道！
[價錢 Price]
💰$39
羅宋湯餐肉粒通粉 🥫
之前睇新聞有見過有人食羅宋湯餐肉粒通粉，話餐廳好孤寒，果然成碗通粉，只得數粒細粒嘅午餐肉，分分鐘堆埋都唔夠半塊，水平真係好參差。但呢間冰室嘅餐肉粒唔單止大粒，而且一小碗通粉入面有八大粒餐肉，唔洗用放大鏡都搵到粒粒餐肉！而且佢嘅羅宋湯底好濃郁，亦有唔少新鮮蔬菜，通粉唔會煮到爛晒，好高質！
呢個餐同樣配有丹麥麵包，我揀咗煎雙蛋，流心蛋黃足滿蛋香，正！
[價錢 Price]
💰$85
鮑魚雞煲 🍲
下午茶時候都食到鑊仔菜，至啱老爸心意。雖然係罐頭鮑魚雞煲，但煮得一啲都唔馬虎，雞嘅份量都好多，罐頭鮑魚亦唔會韌到似橡筋，醬汁多、味道好下飯。不過佢嘅雞肉係帶骨嘅，所以食嘅時候會有些少碎骨，大家要小心細嚼呀。
[價錢 Price]
💰$8 (套餐加配價)
椰汁紅豆冰 🫘
太衝擊！加幾蚊有咁大杯嘅椰汁紅豆冰？真係嚇親我哋，連老爸都話分分鐘有2杯正常凍飲咁大杯！唔洗擔心大杯就會偷工減料呀，佢嘅椰汁好濃郁，紅豆粒粒都大大粒，甜甜香香、綿綿密密，冰感十足，真係必試！
張貼
