影片
營業時間
今日營業
06:30 - 22:30
星期一至日
06:30 - 22:30
以上資料只供參考, 請與餐廳確認詳情
食家推介
檸檬冰室 Lemon Cafe📍葵涌禾葵里2號葵興商場地下10-12號舖老爸喺葵涌返工，趁今日佢放早，搵佢食個下午茶先。同老爸食當然食返啲港式味道啦，見附近嘅葵興邨有間全間都係黃色嘅冰室，午市同下午茶價錢相當經濟實惠，所以就決定喺度食啦。 💰$47吉列魚柳 🐟呢個皇牌吉列魚柳下午茶餐好豐富，配以香腸、炒滑蛋、丹麥麵包同薯茸，加埋杯冷檸茶先係$50，好抵食。佢嘅炒滑蛋滑捋捋，重牛油香味，放喺層次感滿滿嘅烤丹麥麵包上面食就最啱。好欣賞佢唔係用一般嘅白麵包，而係用油酥感較重嘅丹麥麵包，雖然肥就肥啲，但久唔久食一次都幾過癮。凍薯茸無額外調味，可以食到薯仔原味，口感厚實但不油膩。主角吉列魚柳大過我一隻手掌，麵衣炸得香脆，切落去真係索索聲，外脆內軟嘅魚柳無落太多調味，配埋沙律醬食，還原港式茶餐廳、冰室味道！ 💰$39羅宋湯餐肉粒通粉 🥫之前睇新聞有見過有人食羅宋湯餐肉粒通粉，話餐廳好孤寒，果然成碗通粉，只得數粒細粒嘅午餐肉，分分鐘堆埋都唔夠半塊，水平真係好參差。但呢間冰室嘅餐肉粒唔單止大粒，而且一小碗通粉入面有八大粒餐肉，唔洗用放大鏡都搵到粒粒餐肉！而且佢嘅羅宋湯底好濃郁，亦有唔少新鮮蔬菜，通粉唔會煮到爛晒，好高質！呢個餐同樣配有丹麥麵包，我揀咗煎雙蛋，流心蛋黃足滿蛋香，正！ 💰$85鮑魚雞煲 🍲 下午茶時候都食到鑊仔菜，至啱老爸心意。雖然係罐頭鮑魚雞煲，但煮得一啲都唔馬虎，雞嘅份量都好多，罐頭鮑魚亦唔會韌到似橡筋，醬汁多、味道好下飯。不過佢嘅雞肉係帶骨嘅，所以食嘅時候會有些少碎骨，大家要小心細嚼呀。 💰$8 (套餐加配價)椰汁紅豆冰 🫘太衝擊！加幾蚊有咁大杯嘅椰汁紅豆冰？真係嚇親我哋，連老爸都話分分鐘有2杯正常凍飲咁大杯！唔洗擔心大杯就會偷工減料呀，佢嘅椰汁好濃郁，紅豆粒粒都大大粒，甜甜香香、綿綿密密，冰感十足，真係必試！
繼續閱讀
因為食過下午茶好吃, 再回來試早餐的!招牌沙嗲牛肉即食麵: 可以的.牛乳炒滑蛋: 可以的.丹麥多士: 一般, 丹麥包可再新鮮點.仿鮑魚火腿絲通粉: 好味道.西煎雙蛋: 正常.熱奶茶: 茶夠濃, 唔錯的.仿鮑魚火腿絲通粉勝沙嗲牛肉即食麵.
繼續閱讀
檸檬冰室門面好光猛，遠遠就望到佢嘅招牌，加上醒目黃色主調，好易認。佢哋有8 個招牌菜， 睇個餐牌都覺得幾吸引，今晚食其中兩款，海南雞飯同杏仁茶😋😋😋😛😛😛😚😚秘製無骨海南雞配香茅油飯 $68呢個係套餐嚟嘅，預設配埋中湯同熱飲。海南雞雞皮Q彈， 皮下油脂已在起骨時去除，連皮食都唔會覺得邪惡，所謂食雞唔食皮，罪大又惡極呢。 雞肉相當嫩滑，係一半雞比，一半雞胸嘅配搭。油飯極香，雞油混和香茅，一上枱時已經聞到獨有嘅味道，不愧為招牌😋😋😋😁😁😁🥳🥳豉汁蒸倉魚配絲苗白飯 $88倉魚剛剛好蒸熟，魚肉細嫩少骨，輕易就夾起一梳魚肉， 豉汁味道香濃，蒸魚豉油似係自家調製， 同出面嘅味道有啲唔同😊😊😊😜😜😍😍鮮磨蛋白杏仁茶 加配$8呢個係另一款招牌， 好多食客都有叫，冬天飲返杯即時暖笠笠啦。 味道相當濃郁，無杏霜咁甜，有嫩滑蛋白加持下，口感層次更豐富😋😋🥰🥰😁😁😁晚飯時間都幾多人， 睇嚟食物質素得到街坊認可😊😊😊😊😋😋😋😋
繼續閱讀
食咗好耐街坊的兩餸飯！今次有時間希望食吓小菜，經過呢間茶餐廳，地方幾乾淨清潔！再睇睇個餐牌都幾合胃口，於是點了兩個餸菜，一個係辣椒肉碎炒四季豆，另外一個係粟米肉粒斑片，另外奉送兩個白飯和兩個例湯！例湯的水準真材實料不錯，個炸斑塊炸得唔錯，魚肉唔會一夾就散！好有趙口！粟米同蛋花做嘅芡汁好適合用來送飯，有好香嘅粟米味，當然知道呢啲粟米應該都係一般嘅急凍粟米，但廚師處理技巧不錯！另外四季豆，炒得也味道適中，麻辣味道唔錯，我們兩個很快就將白飯食晒！食完這一餐很滿足
繼續閱讀
🥘鮑魚雞煲 有鮑魚，冬菇洋蔥再加雞煲，一拎出黎已經聞到好香，份量好足，而且雞煲夠晒濃味，唔怪得係呢度主打菜式😋🥗欖菜肉鬆四季豆 比坊間嗰啲多欖菜，係多好多，配上其他菇類配料，份量味道都好足料🤗🍵冷泡芒果鐵觀音有大大個茶包喺入面，想話佢唔足料都唔得啦😂 成杯茶夠哂茶味，而且飲落仲有啲芒果味咁好清甜，爽呀😊🥤桃之戀人呢個係餐廳全新出既產品，夠晒大杯之餘入邊仲有好多桃，飲落超級重桃味，真係岩晒愛桃之人呀😍
繼續閱讀
您可能會有興趣的...