Pho Bar (已結業)

Pho Bar- 你冇聽錯，呢間坐落係中環嘅小巷仔，有細細間專食pho嘅餐廳，裡面都係bar檯，細細地幾啱一個或兩三個過黎嘆返個pho.講返主角- ($88),自己寫紙落單，配料任意配搭，金不換，芽菜基本都有，比較特別係炸蒜都有，夠曬惹味。麵可選河粉，金邊粉或意大利翠玉瓜麵(+$20)(利申冇試過).推薦可以揀金邊粉，麵質比河粉彈牙🤪👍🏻. 至於一碗pho嘅靈魂，我認為在於湯頭，先黎一匙咩調味料都唔好加嘅湯，呢度嘅湯頭十分濃郁，少少接近泰式船河麵嘅湯頭。之後建議食法如下：一匙是拉差辣醬，一匙魚露，一匙甜醬，然後加入辣椒🌶，最後，榨曬成個青檸落去，頓時，將pho嘅靈魂昇華到更高層次🙌🏻如果你有幸有人陪你過黎食，可以試下佢小食麵唔錯的：($42)-千島沙律醬半邊雞翼好g味😋($38)薯條即炸，上泥燙手的😋，調味亦非常正，唔好以為會好似m記嘅sharkshark薯條，咁你就錯了～如果係中環/路過返工嘅朋友，呢間係唔錯嘅選擇，比起同區某著名pho店，我認為呢間更值得一試👍🏻.不過講到尾，最正嘅食pho 體驗，當然係係越南街頭，坐著紅色嘅膠櫈仔，係路面un住腳，一手攞住對削極都仲有木碎嘅即棄木筷