Chill Vietnam Cuisine and Bar

營業中

休息中

今日咁啱嚟荔枝角，見到有越南嘢就想試吓。食物都有驚喜幾好味，服務都好好，我哋坐響舖頭最盡頭一角落，經常都有同事行過嚟睇吓有冇需要。價錢非常合理，我哋叫嘅幾樣嘢食都好味，牛油雞翼，炸墨魚餅同埋牛肉船河。份量夠大，啲牛肉都高質，而且湯底香濃。牛油雞翼就醃得好入味，啲蒜頭好多好多令到成碟雞翼都好香。墨魚餅都唔係一堆粉，清楚見到佢裏便有粒粒墨魚肉，都幾彈牙。最後我哋兩個人食咗一碗船河（好大碗） 兩個小食，都係二百幾蚊埋單，非常抵食。值得推薦。