經常叫外賣，接電話姐姐(老闆?)好有禮貌 有一次遲左去攞，其他姐姐仲主動同我換個凍左既湯，服務好好。 呢度堂食peak hour 我見到多人排堂食 又好食又抵食，品質有保證

唔知係唔係做緊優惠，所以食物種類少左咁多 我是因為landmark bespoke 啲分到期諗住用左佢（上年都係為左用啲分所以同家人來食)，所以叫做比正價，二千幾蚊兩大一小。 上年啲食物種類比較多，熱食都多款，而海鮮係不停refill，今次竟然連龍蝦都不停被清倉，出去幾次都攞唔到🥹。呢度係文華喎，唔係cheap cheap buffet 嘛? 連熱食打開都好多empty (暈) 最後大家都食得好少，失望而回 。 下年啲分真係唔好咁晒😅因為二千幾蚊係真係當現金洗，趁Harvey Nicholes 未執笠用黎買下野好過！ Service 方面，明顯唔夠人手，我地已經食得少，慢慢食，都冇人收碟😅😅😅

沙嗲牛肉麵的牛肉質素很差，牛肉軟林林應該落了好多鬆肉粉，完全沒有正常牛肉應有的質感。湯沒有任何沙嗲味，似出前一丁原本的湯底一樣。 奶茶太苦澀-連最基本的奶茶都沖不好😅 沒要求只是想隨隨便便的吃一餐，但連最普通的茶餐廳質素亦不及格。宜多作改善

今日喺深水埗有appointment，如果唔係其實都會好少嚟到呢一區。我印象係深水埗全部都係茶餐廳冇咩邊間餐廳乾淨企理坐得舒服(你當我唔識嘢啦)所以黎之前都專登搵定間餐廳食晚飯。 我哋八點到達，已經安排好座位，個男侍應（唔知係咪老闆）服務態度非常好，我哋點咗最signature既兩款牛扒各一，兩款都非常唔錯$190真係好抵！另外薯條都任裝，我哋refill嘅時候個男侍應態度非常殷勤。 以呢個價錢食到呢個質素服務態度又唔錯，而且地方乾淨企理，我覺得大家應該要支持吓香港呢啲小店，如果唔係經營唔住就會好快拜拜

今日咁啱嚟荔枝角，見到有越南嘢就想試吓。食物都有驚喜幾好味，服務都好好，我哋坐響舖頭最盡頭一角落，經常都有同事行過嚟睇吓有冇需要。價錢非常合理，我哋叫嘅幾樣嘢食都好味，牛油雞翼，炸墨魚餅同埋牛肉船河。 份量夠大，啲牛肉都高質，而且湯底香濃。牛油雞翼就醃得好入味，啲蒜頭好多好多令到成碟雞翼都好香。墨魚餅都唔係一堆粉，清楚見到佢裏便有粒粒墨魚肉，都幾彈牙。 最後我哋兩個人食咗一碗船河（好大碗） 兩個小食，都係二百幾蚊埋單，非常抵食。值得推薦。

呢間新餐廳之前好難book, 竟然今次即日book到。環境裝修service ok, 但食物坦白係好一般(直情可以叫做唔好食😅）本身都期待佢個home made pasta，無論味道質感連隻碟presentation 都真係好麻麻，Chak or even Pici 都好食過佢好多…(I am so sorry) 價錢方面開左支酒per head 都係大約$800，係唔貴的。但都係嗰句，要好食先得😂 新店熱度可能完結了，如果要有翻頭客真係要響食物味道方面諗諗計

我經常叫外賣DIY salad 整體上都可以，所以先不斷回購 菜都幾新鮮，牛油果熟既程度都係啱啱好 是一個非常不錯的健康外賣午餐 但每次的質素都有啲參差，例如sauce 有時少到冇落咁，有時啲菜係冇mix 好，好雜亂，因有時太少sauce ，就會好乾，好似食緊雜草咁 最出事係crouton, 因為十次有八次係林既，唔係因為佢浸左sauce, 就算佢係徹底乾身，都係林既，完全不能入口，可以改善一下。僅有的二次係脆身的，就幾好食