相馬日式火鍋 荔枝角

營業中

休息中

話說，上次去D2 Place行完街，食完KOOL酷廚，行去地鐵站途中見到仼食180分鐘嘅火鍋店。嘩！三個鐘真係可以食到攬住嗰肚，所以我哋就決定嚟試一試！呢到有六款湯底揀，包括：清湯、甜豉油、蕃茄、豚骨、中華辣湯同泡菜。大家仲可以額外加錢叫牛湯、牛腸鍋同加芝士。我哋揀咗甜豉油同中華辣湯，一甜一辣，味道豐富。晚市火鍋放題HK$168起，有唔同肉款畀大家揀，包括：美國進口牛肉，美國頂級牛肉、美國頂級牛小排同特上澳洲和牛。今次，我哋揀咗咗每人HK$288嘅美國頂級牛小排。美國頂級牛小排脂肪分佈平均，唔會太肥，啱啱好。肉質好腍，牛味濃郁，正！豚肉+滑雞件除咗自選嘅牛肉外，仲有豚肉同滑雞件。豚肉切得薄薄一塊，好香豬味；雞件好厚肉，入口嫩滑。火鍋配料自助吧大量火鍋配料，有大量丸類、菇類、蔬菜、冬瓜、蘿蔔、烏冬等，真係花多眼亂，總有一樣啱你。未完，仲有飲品同雪糕仼飲仼食，真係好滿足。