影片
更多
2015-12-11
1775 瀏覽
說好的11月壽星飯, 要約到12月先有得食相識差不多廿載的同學仔, 如今已變成中女同uncle了事隔多年都間中有keep著聯絡, 真係要珍惜珍惜!之前成日都想試Outdark, "黑暗的外間"剛好同我差幾天生日的壽星都想試, 在餐廳沒訂座服務下, 星期三晚上7時都不用等位, 爽原來星期一至四是沒限時進餐, 爽爽一踏進Outdark"黑暗的外間" , 其實是"內裡昏暗"烏絲燈光調到暗暗的, 沒有用上白燈, 較有情調的 (大部份相我已調光再post出來)不過地方大, 人多, 有點嘈是常識吧!經過門口的鐵絲網愛情鎖牆, 完全是韓國風, 令我回憶當年去南山塔的情境聖誕又將近, 餐廳已有聖誕樹及其他裝飾, 好有氣氛!郵筒側面放住好多名信片及筆, 真係可以寫完後放入郵筒架喎!餐廳內全部都係卡位座, 大家都坐得舒服dMenu好似報紙咁, 好特別會介紹餐廳嘅資料不過太多字, 除非自己一個等朋友黎先會睇下食物種類其實不算多, 但呢個CHEESE KINGDOM同炸雞差不多是每檯必點的我哋都係為咗"芝士"而來的芝士鍋入面嘅食物都好豐富, 當中有一半係肉, 可以選雞或豬肋條點CHEESE KINGDOM會送
相識差不多廿載的同學仔, 如今已變成中女同uncle了
事隔多年都間中有keep著聯絡, 真係要珍惜珍惜!
之前成日都想試Outdark, "黑暗的外間"
剛好同我差幾天生日的壽星都想試, 在餐廳沒訂座服務下, 星期三晚上7時都不用等位, 爽
原來星期一至四是沒限時進餐, 爽爽
一踏進Outdark"黑暗的外間" , 其實是"內裡昏暗"烏絲燈光調到暗暗的, 沒有用上白燈, 較有情調的 (大部份相我已調光再post出來)
不過地方大, 人多, 有點嘈是常識吧!
經過門口的鐵絲網愛情鎖牆, 完全是韓國風, 令我回憶當年去南山塔的情境
聖誕又將近, 餐廳已有聖誕樹及其他裝飾, 好有氣氛!
郵筒側面放住好多名信片及筆, 真係可以寫完後放入郵筒架喎!
餐廳內全部都係卡位座, 大家都坐得舒服d
Menu好似報紙咁, 好特別會介紹餐廳嘅資料
不過太多字, 除非自己一個等朋友黎先會睇下
食物種類其實不算多, 但呢個CHEESE KINGDOM同炸雞差不多是每檯必點的我哋都係為咗"芝士"而來的
芝士鍋入面嘅食物都好豐富, 當中有一半係肉, 可以選雞或豬肋條
點CHEESE KINGDOM會送一份小食, 有年榚, DIY飯團同埋沙律
叫第二份小食都係加多$25
最後我哋點左1個CHEESE KINGDOM (豬肋條) + DIY飯團半份原味炸雞 + HK$25多1款小食 (年榚)
DIY飯團好得意, 上面有紫菜及蟹籽
飯本身已有味道, 可以自己動手撈或者侍應動手
朋友就自己DIY, 況且有手套, 唔怕整污糟啦~
呢個飯團好好味, 連埋蟹籽一齊咬落脆卜卜
DIY飯團
50 瀏覽
0 讚好
0 留言
白色上面有黑芝麻都是第一次吃, 不過睇佢個樣似係甜味
果真像蘸上蜜糖, 外皮脆脆的, 不過唔係太夠熱
紅色是甜甜少辣的, 食到尾我夾埋芝士一齊食, 都好味!
Outdark都有韓國人鐘意飲嘅米酒, 有好多味道,不過朋友們都不沾酒族, 所以我也乖乖的跟他們點了果汁
由Oppa起我哋面前倒入杯內
左邊是我的提子汁, 入面有果肉的, 但朋友話似係jelly造出來
右邊是桃汁, 我沒試過, 見朋友很快喝完, 估計味道應該不差
等了一會CHEESE KINGDOM來啦~嘩嘩嘩, 緊係要相機食先啦~
賣相已好得, 滿滿的芝士碎, 未食就流口水啦
側面有薯球, 但係甜架, 應該係蕃薯, 如果係薯仔會好d;另外有蛋漿, 熟後好好味 (我忘了影相);
芝士粟米同泡菜都有得refill
不過咁大份, 3個人share都食唔哂, 所以無再refill
燒了一陣, 芝士開始溶啦, 侍應會過來教我哋整一次打後的就自己來啦
看著她拉著又厚又黏的芝士, 快d快d....想食啦
將芝士拉長後圈住一件豬肋條
豬肋條超淋呀! 好易就骨肉分離, 大約有9-10件包住芝士一齊食好正!
不過食兩舊左右就覺得夠, 因為都有少少漏
其實芝士就咁食落口都好好味呀, 不過怕肥, 所以都食淨
半份原味炸雞都好大堆頭, 入面都有炸薯雞件大約有6-8件, 因為太飽, 我只吃了一件
其實侍應端上來時, 沒有連同醬汁, 白痴無知的我們, 以為真的沒有醬汁
差不多吃到餘下1/3才問有沒有醬
原來是他們忘了給醬囉! >.< 都差不多吃完
醬汁有4款 + 酸籮白4款醬我覺得都係甜甜的, 只不過有些可能是帶辣
我知道韓國菜就是這樣, 大部份都係甜味,
就連炸薯都一樣, 面頭像加了甜粉, 如果平均番, 不要8-9成甜, 應該會啱香港人口味!
題外話/補充資料：
建議人多黎Outdark食可以開心share又可以試多幾款
而家我哋3人點兩樣野都食淨
同埋預咗食物偏甜味的, 唔係唔好食, 但多食就會覺得漏
(以上食評乃用戶個人意見 , 並不代表OpenRice之觀點。)
張貼
