Fish & Chick (高街) (已結業)

朋友極力推介呢間餐廳，今日陪完男朋友去附近就過黎試試！男朋友話之前幾次嚟都滿座，今日好難得搵到位😍 未黎之前仲諗緊會唔會好貴呢，fish and chip喎閒閒地hkd 150+落樓啦，見到餐牌真係喜出望外！set lunch 都係88-110左右！我同男朋友各自嗌左一個午餐set，有湯或小食有主菜仲有餐茶~ 男朋友嗌左fish & chip配炸蘑菇小食，鱈魚同薯條都炸得好好，炸蘑菇甚至係可以用外脆內juicy黎形容！我就嗌左白酒蜆肉意粉配鮮粟米蓉湯，蜆肉甜美份量亦都好多！粟米蓉湯飲得出真材實料無添加~ 店員服務非常窩心，好好人不斷提示我地小心炸蘑菇熱油啊~ 好鍾意去呢啲小店食野chill chill一個下午！繼續加油啊！！