剛參加完活動，和男友在西環搵食。晚上9點左右，老實講喺而家嘅香港真係好難搵食，抱住我唔想又食大財團快餐店的心理，一路走到西營盤地鐵站附近… 漆黑之中見到呢間泰好好小店，柔和橙燈竟然仲要坐無虛席！心想：就試呢間！ 看過餐牌後價錢非常實惠，全日套餐包括大部份泰菜餐廳必點粉麵飯連埋杯飲品都係$65-70，仲要唔駛加一。同男朋友嗌左青木瓜沙律、泰式炒金邊、濕炒豬河同埋飛天通菜。 菜式一碟一碟咁送黎，份量唔算多但食到背後廚師的用心，味道好好，好有家嘅感覺！可以說是我喺香港食過最好味嘅泰菜👍🏻👍🏻 食到一半已經開始想念味道，想試哂所有食物！如果開喺屋企附近就好了！檸茶用的是泰國紅茶底，應該有人很喜歡有人不喜歡吧？埋單4碟食物連飲品，每人hkd120，不錯不錯！泰菜來說真的是超便宜，還要是這樣高質！ 溫馨泰菜家庭小店，希望大家多多支持👍🏻

男朋友特別訂座慶祝生日，未出發已經見到不少好評，非常期待！餐廳環境優美，更可以觀賞西灣湖景，無論係約會抑是和朋友家人見面都係一個好選擇。自助餐餐點雖然沒有很多選擇，但每碟都是廚師精心炮製，侍應服務很好，不停refill 食物，特別推介炸馬介休球及八爪魚飯。特別感謝餐廳準備的蛋糕，吃到濃濃的人情味！強烈推介，我們會再來的😊

同男朋友約左喺荃灣西見面，第一次行海之戀商場，原來有好多好吸引、值得試試嘅餐廳👏👍 今次被餐牌吸引揀左呢間海景餐廳，價錢吸引又多選擇，座位寬敞非常開揚，非常建議一家大細，又或者閨蜜朋友邊嘆美食邊溝通聯誼~ 男朋友嗌左安格斯漢堡餐，有沙律薯條伴菜，薯條炸得香脆好味！HK$ 85 連飲品，加 HK$ 3仲可以升級是日餐湯或沙律。今次餐湯係忌廉粟米濃湯，好好飲仲有原粒粟米非常有驚喜！沙律就係柚子黑醋沙律，驚喜係除左基本沙律菜之外仲有幾塊火龍果，配起柚子汁非常開胃好啱夏日！ 我就嗌左白酒蜆肉意粉，HK$ 73，呢個價錢呢個份量真係唔錯，值得推介！今次用餐經驗非常唔錯，下次試埋銅鑼灣分店先😍

好餐廳真係要特別寫食評好好讚賞，希望俾多啲人知道👍👍 作為街坊，一直都知道喺會所有呢間餐廳存在，但係位置實在太隱世，好多時都只會喺商場啲連鎖店裡充飢。直至母親節，食開呢間餐廳嘅媽媽提議叫外賣，出餐快不特止仲要份量好多、有水準👍👍 隔一個星期即刻encore落去餐廳食現場，點知更加係驚為天人，好味到停唔到口😍😍 餐廳位於麗港城一期會所，座位寬敞光線充足！星期六晚幾乎全場爆滿，侍應服務非常周到，一坐低已經遞來兩碗無味精靚湯讓我地飲住點菜👍👍 菜式款式多亦都價錢合理，簡直花多眼亂~ 最後嗌左山楂咕嚕肉、萬興小炒皇，落單嗰陣侍應仲溫馨提示嗌左兩碟餸，加36蚊有得食豉椒炒蟶子！發達啦！向來鍾意食蟶子嘅我聽到即刻二話不說落單，飲飲下湯，小菜陸續送到！ 豉椒炒蟶子 非常夠味有鑊氣！真係冇諗到加多36蚊可以食到海鮮！ 山楂咕嚕肉 咕嚕肉新鮮炸起脆脆有溫度，個汁酸酸甜甜非常醒胃，仲有荔枝做生果點綴唔會太酸！可以話係我食過最好味嘅咕嚕肉！ 萬興小炒皇 呢個係我爸爸最愛，上次食過外賣已經覺得好好味，今次食現場簡直係驚喜萬分！新鮮炒好非常有鑊氣，最喜歡乾蝦脆白飯魚菜甫非常有口感，辣辣地好香口，送飯伴酒一流！！ 份量滿滿，唔駛加一，吃飽食醉埋單都係HKD 202!! 呢個價錢食到咁滿足真係超值！黎緊要多啲黎幫趁呢間咁有溫度嘅小店，希望大家都多多支持👍👍👏👏

朋友極力推介呢間餐廳，今日陪完男朋友去附近就過黎試試！男朋友話之前幾次嚟都滿座，今日好難得搵到位😍 未黎之前仲諗緊會唔會好貴呢，fish and chip喎閒閒地hkd 150+落樓啦，見到餐牌真係喜出望外！set lunch 都係88-110左右！我同男朋友各自嗌左一個午餐set，有湯或小食有主菜仲有餐茶~ 男朋友嗌左fish & chip配炸蘑菇小食，鱈魚同薯條都炸得好好，炸蘑菇甚至係可以用外脆內juicy黎形容！我就嗌左白酒蜆肉意粉配鮮粟米蓉湯，蜆肉甜美份量亦都好多！粟米蓉湯飲得出真材實料無添加~ 店員服務非常窩心，好好人不斷提示我地小心炸蘑菇熱油啊~ 好鍾意去呢啲小店食野chill chill一個下午！繼續加油啊！！

開業咁耐一直都被善茶特別嘅裝修所吸引，好可惜轉工之後少左機會去尖東，遲遲都未有機會嘗試~ 前幾日趁聖誕去開尖東睇燈飾，即刻拉埋男朋友去幫襯，兩個人可以試多啲口味丫嘛！離遠未過馬路已經見到善茶客人一個接一個，仲見到好多後生潮人慕名而來幫趁，講真店鋪開喺尖東一條唔太起眼嘅巷仔，咁好生意真係口碑同實力👏👏 店入面有好多唔同種類嘅飲品選擇，就連珍珠奶茶都有好多款揀😍 最特別嘅係茶葉可以揀鐵觀音、壽眉呢啲中國茶，啱哂啲大路得黎又想試新野嘅朋友！如果唔特別歡喜珍珠奶茶嘅又可以揀其他本地飲品，薑蜜薏米水，咸檸檬梳打... 簡直係將本地茶餐廳飲品手搖化👍👍 俾錢嘅時候，店員姐姐好開心咁話我知原來今日有位有心人早前放低左錢請大家飲野，所以我地嘅柯打係免費贈飲！哇真係冇諗過聖誕買杯奶茶都會收到聖誕禮物😍😍 原來呢度每買杯飲品，都會得到一蚊代幣，你可以親手將呢個代幣去門口嘅捐款箱，店主每個月都會將款項捐贈俾有需要嘅團體... 呢個idea 真係好有心思，值得一讚😍😍 一邊飲飲品一邊同男朋友喺咁有本地特色嘅門面打卡... 原來個杯身都係本地茶餐廳嘅插畫，超靚！仲要有防漏杯蓋... 處處都感受到店家嘅細心！ 最後有選擇困難嘅男朋友揀左壽眉珍珠奶茶，而我就揀左鐵觀音珍珠奶茶~ 冇諗過原來中式鐵觀音同珍珠奶茶係咁夾！味道好新鮮好有趣呀！好想試哂店內咁多款飲品，可惜鋪頭只係開到晚上6點，大家如果想要黎試試嘅話就要睇清楚時間了！！

最近去左將軍澳澳南海岸附近chill chill~ 哈哈鍾意嗰邊近得嚟又勁有soho/ 愉景灣外國氣氛😍 吹吹海風文青一下，感受下生存嘅意義！ 今次終於終於俾我食到 Burger's Friend Forever 啦！上次夜晚放工太晏排長龍食唔到，今次下晝去雖然都係好多人，留低電話周圍行下，半個鐘就收到電話話有位啦！排到咁長龍，原來真係極好味😍😍 芝士漢堡飽面有烘過脆脆的，非常有心思~ 連本身唔太歡喜食 Burger 嘅我都大讚好好味！！加多 HKD 20 就可以包埋罐裝汽水同埋薯格，埋單 HKD 100 都唔駛，未食完已經諗住下次幾時再黎啦🙈🙈 極力推介俾鍾意食 Burger 嘅朋友~ 位子雖然唔多，買個外賣拎去海邊食都幾爽爽丫😇😇 PS 店員姐姐好好人😍

見到廣告話想試下呢間平價扒房，嗌左個午餐牛仔柳連任食薯條 HK$ 88 + 10%，唔貴之餘性價比黎講非常高~ 牛仔柳啖啖肉冇筋好易切，肉質有水準冇平價牛扒餐會食到嘅梳打粉，薯條都係熱辣辣新鮮炸，食落口諗番起以前細個喺舊式快餐店食到嘅薯條味道~ 侍應叔叔非常殷勤友善，席上好多家庭客真係客人一檯接一檯👏👏 一定會有下次，亦都推介大家過黎👏

香港冰室已經改名啦，叫做鐵板世家~ 裝修懷舊再配埋80年代英文歌，食野當然要食埋個氣氛！ 行左成個太子好耐都搵唔到間啱心水嘅餐廳，原本諗住去間茶記算數之際，見到呢間裝修唔錯嘅鐵板世家~ 比茶記貴少少就有鐵板扒鋸即刻入座！全程侍應都好好服務！羅宋湯好飲，個扒餐好大碟都好好味，後尾仲有個花奶啫喱甜品~ 唔駛加一唔駛過百就可以食飽飽！下次過黎太子都會過黎再試丫！繼續加油！！

朋友提議食素菜自助餐，當我地仲以為又係上素齋菜之際，原來可以有咁多變化同口味！齋口唔齋心，完全冇諗過同一樣嘅素材係可以有咁多種變化，仲要吃出佢「原本」嘅味道，所有野都好入味，真係考廚師功力！！ 沙律前菜正餐甜品一應俱全，樣樣都想食，樣樣都好吸引！可惜眼闊肚窄，食左兩碟就已經飽飽了！坐得舒服又夠寬敞，素食餐廳又有一個好選擇！