PizzaExpress (MOKO新世紀廣場) (裝修中)

唔想堂食迫人，喺Pizza Express外賣，咁啱見佢有雙重蝦肉意大利青瓜pizza再加啤酒special，一於叫來試吓先。另外叫咗一個外賣二人餐，沙律、小食加兩個主菜，都只係$315 ，好化算。雙重蝦肉意大利青瓜pizza跟啤酒ComboPizza主要材料係青瓜同大蝦，清清哋唔會太膩，感覺清新，而且大蝦份量多，鋪滿成個Pizza，而青瓜焗完都唔會變乾。再加埋啤酒主打零酒精，飲咗都冇罪疚感，和Pizza 一起飲好正。蒜蓉包未食已聞到蒜蓉香味，麵包煙靭鬆化。Mixed 沙律主要有青瓜，車厘茄同沙律菜，夠新鮮，分量足。蕃茄海鮮意粉材料有蝦肉、蜆肉、八爪魚、小元貝，車厘茄橄欖油，香辣蕃茄醬等等，少少辣幾惹味而且海鮮材料豐富夠新鮮，醬汁同意粉比例啱啱好。北京烤鴨薄餅有鴨胸、辣椒碎、青蔥、青瓜，特色芝士同埋海鮮醬。相比之下呢款Pizza比較濃味，鴨胸夠香，醬料夠濃，「中」「意」Crossover，幾特別。店員服務有善，值得再幫襯。