Food Combo (已結業)

上星期日至第一次幫襯過，至知道佢因租約問題而結束屯門店，臨別秋波今日再食多次，特式拼盤可滿足哂所有，內容包括牛扒、半隻春雞、燒豬筋骨、蝦、南瓜薯餅、薯條、薯蓉、烤粟米、烤番茄、原隻烤蒜頭，蝦比較細隻，肉質ok，牛扒一般，最好味係豬筋骨同春雞，豬筋骨醬汁特別，係蘋果加肉桂，微酸好解膩，肉夠淋，春雞連胸肉都好嫩。新鮮菠蘿火腿薄餅芝士焗至剛溶又唔會燶，配上新鮮菠蘿好清新。鳳梨冰可解解拼盤嘅肉膩感，可惜只能食埋今次，如果要幫襯就要專登出去葵芳嗰邊喇。