147
5
2
港鐵屯門站 D 出口, 港鐵屯門站 E 出口, 港鐵屯門站 F1 出口 繼續閱讀
電話號碼
25111255
營業時間
今日營業
11:30 - 21:30
星期一至日
11:30 - 21:30
付款方式
Visa Master 現金 八達通 銀聯
座位數目
26
其他資料
Wi-Fi
酒精飲品
自帶酒水
泊車 詳細介紹
電話訂座 詳細介紹
外賣服務
加一服務費
食評 (164)
塊豬扒超!好!食!非常厚同大塊,仲要淋同好香豬味我最中意佢個油脂部分焗到脆脆地,勁香豬油味個底超多炒飯,一個人真係食兩餐都仲得佢個焗豬扒係我暫時係香港食過最好食嘅如果個飯多返d汁就算真係無可挑剔鮮茄焗豬扒飯鮮茄焗豬扒飯呢個沙律都好正,個汁勁開胃,酸酸甜甜而且d蝦好新鮮,煎得又啱啱好~芒果大蝦沙律呢杯野飲都好飲,清清地好岩夏天解熱~檸檬薏米水要留意返,我當時係中午去,所以個豬扒飯嘅價錢係lunch set價錢黎!如果平時單點係要HKD$70架! 繼續閱讀
(以上食評乃用戶個人意見 , 並不代表OpenRice之觀點。)
話說小妹前排趁疫情數字回落嘅時候,相約好朋友去咗一間位於屯門、以西式定食做主打嘅西餐店,發現CP值非常高,忍唔住想同大家分享。西餐廳位於V City附近,非常就腳。店內係小清新風格嘅裝潢,以白色為主,一行入去就有一種溫馨舒適嘅感覺。小妹同朋友一人嗌咗一個定食,一上枱,兩個人就忍唔住「嘩嘩」聲,因為個餐真係好.大.份(利申:對女仔嚟講)﹗首先係「美國有骨豬鞍配薯蝦絲」($166),揀咗薯菜,淋上野菌汁嘅豬鞍肉味甚濃,食落質感唔會太「鞋」口,肉汁鎖到實,野菌汁味道唔會太搶,反而令豬肉嘅香味更濃。個人認為薯蝦絲都唔錯,香脆可口,配上小妹最鍾意嘅泰式辣醬,認真Ichibang﹗前菜都好用心,居然用Super Food紅菜頭作為沙律,紅菜頭冇一陣草青味,反而爽口得嚟酸酸甜甜,非常易入口,應該係以糖醋醃漬過,令其風味更佳。朋友嗌嘅係「香煎鱸魚配特式炸雞粒」($168),同樣揀咗配薯菜,用上紅花忌廉汁。經過輕煎嘅鱸魚外皮微脆,魚肉滑溜煮得啱啱好,唔會過熟。小食炸雞粒雖然唔係話整得好出色,但作為配角嘅佢真係不過不失。值得一讚嘅係,佢每個餐都附送一杯新鮮雜果,唔係罐頭嗰啲,係真係手切新鮮生果﹗另外佢嘅水吧都係任飲,上至凍飲,下至熱飲都非常齊全,但提供嘅款式都要視乎餐廳而定,唔會日日一樣。小妹真心覺得呢間餐廳值得推介,食物質素同份量嚟講對得住呢個價錢,CP值頗高,有興趣可以試吓﹗(疫情期間建議外賣) 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-06
193 瀏覽
約左好耐都話要入屯門嘅人,今日終於入左去喇🤪,話說本身諗住飲茶傾閒偈,點知轉個頭就去左食呢間 food combo 😂🤣,加上上次有個friend 介紹過,不過遲遲都未去試下,所以臨時轉太😏,因為見到個 menu 幾吸引。雖然座位唔多,但坐得幾舒服。下午茶得幾個餐,我都揀左一陣😛,樣樣都想食,但係我最想食都係甜嘅野🥰🥰,所以我就叫左B餐😋蘋果肉桂西多士,配左熱咖啡。個西多士味道很好,少少甜甜地好香蘋果玉桂味,下午茶絕配👏🏿 繼續閱讀
(以上食評乃用戶個人意見 , 並不代表OpenRice之觀點。)
Food combo其實係屯門首選成日食,無次寫食評😆今日第一次下午茶時間嚟都幾多選擇,焗飯、意粉、西多果d不過我一心想食沙律,所以無餐食🙂揀咗芒果大蝦沙律🥭🍤份量多,大蝦真係大😂,芒果少少生沙律汁酸酸甜甜,好開胃食食下發覺舖面有張海報都係介紹呢個沙律出品同海報完全一樣:一樣咁足料、一樣擺得咁靚👍🏻👍🏻物有所值天時暑熱梗係加杯凍飲凍奶茶沖得好靚,好鍾意見到d淡奶咁不規則(不過我左轉右轉,轉走曬)好多茶餐廳都無嚕下次再試下午茶先☕️ 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-23
352 瀏覽
第一次寫食評 ,好有新鮮感 ,好得意 🤣 今日同老公唔知食乜好肚餓, 咁啱行到又好熱, 就拿拿聲同佢入去坐低食嘢, 一人叫咗一個下午茶餐 ,我叫咗一個卡邦尼長通粉 ,老公就叫咗一個 蕃茄焗豬扒飯, 兩個餐都好好食 😋😋😋, 坐得好舒適地方都好乾淨。 下次會同啲女同女婿一齊再嚟食過。 繼續閱讀
(以上食評乃用戶個人意見 , 並不代表OpenRice之觀點。)