影片
更多
2021-05-20
6876 瀏覽
要數香港最經典既酒店，係半島之後，我會諗起香港文華東方酒店，文華東方酒店最出名既，一定係佢下午茶享負盛名既Scone同玫瑰醬。文華東方酒店既下午茶除左快船廊之外，係Café Causette都可以食到，如果你係文華東方酒店staycation，基本上都會被安排係Café Causette食Tea。文華東方酒店大堂室内裝潢奢華雅致，而快船廊座位都係非常寬敞，不過快船廊係一個睇唔到景既一個地方，所以坐邊都無所謂。-🍰 Harvey Nichols Blossom Afternoon Tea💰$368/1人份 （👅: 7/10）呢個Tea Set係同Harvey Nichols Blossom合作，淨係由3月1號到31號提供，比較過平時MENU其實係蛋糕上面會有Harvey Nichols既白朱古力。而每位享用呢個下午茶既人會有邀請函一封可以換取一系列精選禮遇，例如係Harvey Nichols 貴賓室尊享個人形象顧問服務、時裝購物券等等。-花茶1️⃣文華東方茶 （👅: 8.5/10）呢個係用文華兩個字既招牌茶，細心位係係茶壼上面有張label識別返兩壼唔同既茶，而呢度既銀器都係為文華東方獨家訂
要數香港最經典既酒店，係半島之後，我會諗起香港文華東方酒店，文華東方酒店最出名既，一定係佢下午茶享負盛名既Scone同玫瑰醬。
文華東方酒店既下午茶除左快船廊之外，係Café Causette都可以食到，如果你係文華東方酒店staycation，基本上都會被安排係Café Causette食Tea。
文華東方酒店大堂室内裝潢奢華雅致，而快船廊座位都係非常寬敞，不過快船廊係一個睇唔到景既一個地方，所以坐邊都無所謂。
-
🍰 Harvey Nichols Blossom Afternoon Tea💰$368/1人份 （👅: 7/10）
呢個Tea Set係同Harvey Nichols Blossom合作，淨係由3月1號到31號提供，比較過平時MENU其實係蛋糕上面會有Harvey Nichols既白朱古力。而每位享用呢個下午茶既人會有邀請函一封可以換取一系列精選禮遇，例如係Harvey Nichols 貴賓室尊享個人形象顧問服務、時裝購物券等等。
-
花茶
1️⃣文華東方茶 （👅: 8.5/10）
文華東方茶
$368
57 瀏覽
2 讚好
0 留言
呢個係用文華兩個字既招牌茶，細心位係係茶壼上面有張label識別返兩壼唔同既茶，而呢度既銀器都係為文華東方獨家訂製，有Mandarin既字眼。
Taste of legend係由新鮮茶葉沖泡而成，包括烏龍茶、茉莉花、橘皮、糖、香草、薰衣草同天然香料，飲落芳香撲鼻，飲落有淡淡既薰衣草味同獨特既香味，飲得出混合左好多種香料既味道，解膩一流。
2️⃣南非琥珀茶（👅: 8/10）
茶色睇落比較深啲，飲落茶味唔係清香而係比較重。
-
Harvey Nichols Blossom Afternoon Tea
$368
80 瀏覽
1 讚好
0 留言
Sandwiches （👅: 6.5/10）
Sandwiches
$368
36 瀏覽
1 讚好
0 留言
對比一船下午茶，文華唔係提供鹹點而係三文治，三文治比較下就會無咁多驚喜同食落比較濟，因為食過咁多間下午茶好多都係鹹點出色多，鹹點唔似甜點一定係蛋糕、慕絲，比較無限制所以先有驚喜，而文華既三文治食落係無驚喜都無咩記憶點，見到以前有一個松露芝士火腿三文治出名好食，不過呢個SET就無。
煙三文魚伴魚籽及刁草食落係普通三文魚味，唔咸唔乾，不過下面個裸麥麵包食落就比較乾，烤牛肉辣根伴西洋菜牛肉唔多但包幾多食落牛肉味唔出，豬小腿肉凍配英式酸辣醬及蜜糖芥末醬算係四款入面比較出色既一款，肉凍同蜜糖芥末醬幾MATCH，而且包唔多食落唔濟，無花果風乾番茄撻食落酸酸，撻皮就正常既酥脆。
整體三文治普通，如果對比好多鹹點出色既下午茶好似Tiffany Blue Cafe、Palco Ristorante等。
-
Scone （👅: 7.5/10）
1️⃣傳統鬆餅
文華下午茶最出名兩樣野，第一樣就係佢嘅Scone，第二樣就係佢嘅玫瑰醬，甚至係好多人覺得最好食嘅scone。
玫瑰花果醬同牛油忌廉
$368
112 瀏覽
1 讚好
0 留言
Scone會提供玫瑰花果醬同clotted cream。
傳統鬆餅同提子鬆餅
$368
111 瀏覽
2 讚好
0 留言
Scone食落比較硬，而且唔係熱辣辣，感覺唔係新鮮整好，而且牛油香同蛋香欠奉，講真唔係一個合格嘅Scone，靠最招牌既玫瑰花果醬救返個Scone，玫瑰醬嘅玫瑰香味唔會太勁，味道係恰到好處，清香唔太甜，絕對係將Scone昇華，但食完真係對呢個Scone好失望，不過事後我喺文華餅店再食多一次Scone，個質素係完全唔同，但就下午茶嘅Scone水平來講，唔係一個好食既Scone，如果淨係今次我覺得唔好，而其他人食完覺得好食，咁就反映咗佢下午茶個Scone質素係唔穩定。
2️⃣提子鬆餅
提子鬆餅口咸食落都係同Scone一樣唔合格，而且因為提子Scone多數都冇原唔咁好食，主要靠玫瑰花果醬同clotted cream。
-
Style of spring （👅: 7.5/10）
1️⃣覆盆子玫瑰白朱古力撻
覆盆子玫瑰白朱古力撻
$368
38 瀏覽
1 讚好
0 留言
Raspberry撻酸甜味平衡，Raspberry味幾濃，整體酸會比甜多，撻皮食落鬆脆帶小小牛油香，怕甜既人應該岩食。
-
甜點（👅: 7/10）
文華牛奶朱古力
$368
45 瀏覽
1 讚好
0 留言
維多利亞海綿蛋糕
$368
31 瀏覽
1 讚好
0 留言
文華牛奶朱古力食落唔會太甜，口感算幼滑，不過如果朱古力味再濃啲或者加其他元素會更好。1963 文華芝士餅算係入面最出色一款，芝士蛋糕味道濃郁，入口即溶。至於維多利亞海綿蛋糕、櫻桃鬆糕同檸檬蛋白霜甜撻食落係比較正常既甜點，唔大驚喜，食落會有啲濟。
1963 文華芝士餅
$368
49 瀏覽
1 讚好
0 留言
甜點整體比鹹點出色，但驚喜都係唔多，而且如果可以有慕絲呢啲食落濕潤既甜點會更好，食落無咁乾而且唔會太濟。
-
🌟 如果大家期望係食到好食既下午茶咁唔太建議黎呢度，如果係為左Scone我建議可以去同層既文華餅房，個度既Scone質素先係我認知既香港第一Scone，但如果純粹想係中環搵個地方食個TEA傾下計，對景同食物無咩要求，或者你想食最傳統既teaset，咁快船廊既下午茶都係一個選擇，因為呢度唔會好FULL坐滿哂人。
-
👅味道: 7/10
🍴環境: 7.5/10
💰消費: $788/2ppl for set ＋$98 (服務費: 10%)
張貼
