野玩田店 (已搬遷) 新店位置

近日同事經常講起戶外露營, 令我不期然想起「野玩田店」, 呢間店係以戶外生活為主餐廳主題, 係餐廳入面食嘢, 感覺就好像置身大自然咁!今日放工就約咗bff一齊嚟食飯, 講真, 餐牌既食物款款都好吸引, 我係點菜時, 真係用咗好長時間~Soup of the Day是日餐湯係蘑菇湯, 菌香味好突出, 湯底唔稀唔杰, 湯質細滑, 入面仲有少少蘑菇粒, 好味~美式薯條配黑松露蛋黃醬薯條炸到條條金黃色, 入口好酥脆, 而薯條跟咗兩款醬汁, 包括蕃茄汁及黑松露蛋黃醬, 黑松露蛋黃醬帶有濃郁黑松露香味, 同薯條味好夾, 好好食~炸魷魚圈配千島醬炸魷魚圈同樣係炸到金黃色, 炸漿唔厚, 薄薄一層, 口感脆卜卜, 魷魚圈好鮮味，配埋味道酸酸地既千島醬, 可以中和油炸既膩滯感, 加上魷魚圈份量好多, 好抵食!炭燒美國大草原自然西冷配黑松露燒汁 (12安士)西冷扒好大塊, 用炭燒方式烹調, 不但令牛扒上出現一個個既格仔紋, 入口仲有濃厚既炭香, 而牛肉肉質軟淋, 肉味重, 有脂香, 大力推介~Hazelnut Berry Smoothie呢款smoothie既味道好特別, 內裏主要用藍莓及雪梨呢2款水果打成