Layback Cafe & Bar (已結業)

星期日夜晚同男朋黎左呢間cafe食晚餐，結果好有驚喜。意式經典水牛芝士番茄沙律食落好清新，番茄新鮮，同水牛芝士好夾，開胃既一道菜式。糯米釀雞翼有四隻，外皮卜卜脆，包住軟熟既糯米，帶有少少辣，好惹味。自家製南瓜汁天婦羅蝦什菌意大利飯南瓜味好出，夠晒入味，意大利飯軟硬適中，天婦羅蝦炸皮唔厚，炸得香脆，美味可口。黑松露什菌忌廉芝士意大利飯都好出色，十分creamy但又唔膩，黑松露味亦好濃郁，加埋芝士，好邪惡。飲品叫左蘋果啤梨鮮打綠茶同熱鹹檸檬蜂蜜。