影片
更多
2020-03-21
58 瀏覽
班蘭葉印尼美食 #銅鑼灣❗️罕見正宗印尼餐廳❗️成日行過銅鑼灣天橋底都見到呢間印尼餐廳🇮🇩見有唔少印度人都喺度買嘢食，而且侍應都係印度人，感覺好正宗🤩今次終於有機會試，果然冇錯，價錢唔算太貴，味道好而且份量夠大😚！有好多唔同嘅食品選擇！印度菜嘅特色都主要係一堆充滿醬汁嘅肉配上香料飯🥘加上串燒🍢糕點🍮等等。呢度啲飯主要有四款，有最普通嘅白飯🍚另外可以加$15轉黃姜飯💛班蘭飯💚或者椰漿飯🤍。燒半隻鴨飯🦆$78轉班蘭飯💚$15聽店員推介嗌左呢一個鴨飯，成隻鴨脾夠晒juicy😋雖然表面並唔脆，但都幾香，而且唔會鞋👍🏻配埋佢哋特製嘅豉油香蒜醬，味道夠晒香濃！另外轉咗班蘭飯💚鮮綠色夠晒吸睛，而且都食到淡淡的班蘭香氣，幾清新，絕對唔係得個顏色，都幾特別💕。味道: 4.1/5性價比:4.2/5印尼四大天王飯🍛$78轉椰漿飯🤍$15四大天王包括巴東牛肉🐮雞🐔蕃茄沙甸魚🐟同埋雜菜🥬可以一次過滿足四個願望！巴東牛肉煮得非常之腍，配上類似沙嗲嘅醬汁，夠晒香濃，送飯一流🤤！雞肉有啲似海南雞，而且仲要係雞髀嘅部位，非常之滑💕！沙甸魚配蕃茄都非常之夾，酸酸辣辣同樣啱晒送飯✔️。唯獨最後嘅雜菜就有啲淡而無味🤭只係白恰。不過
❗️罕見正宗印尼餐廳❗️
成日行過銅鑼灣天橋底都見到呢間印尼餐廳🇮🇩見有唔少印度人都喺度買嘢食，而且侍應都係印度人，感覺好正宗🤩今次終於有機會試，果然冇錯，價錢唔算太貴，味道好而且份量夠大😚！
有好多唔同嘅食品選擇！印度菜嘅特色都主要係一堆充滿醬汁嘅肉配上香料飯🥘加上串燒🍢糕點🍮等等。
呢度啲飯主要有四款，有最普通嘅白飯🍚另外可以加$15轉黃姜飯💛班蘭飯💚或者椰漿飯🤍。
燒半隻鴨飯🦆$78轉班蘭飯💚$15
聽店員推介嗌左呢一個鴨飯，成隻鴨脾夠晒juicy😋雖然表面並唔脆，但都幾香，而且唔會鞋👍🏻配埋佢哋特製嘅豉油香蒜醬，味道夠晒香濃！
另外轉咗班蘭飯💚鮮綠色夠晒吸睛，而且都食到淡淡的班蘭香氣，幾清新，絕對唔係得個顏色，都幾特別💕。
味道: 4.1/5
性價比:4.2/5
印尼四大天王飯🍛$78轉椰漿飯🤍$15
四大天王包括巴東牛肉🐮雞🐔蕃茄沙甸魚🐟同埋雜菜🥬可以一次過滿足四個願望！
巴東牛肉煮得非常之腍，配上類似沙嗲嘅醬汁，夠晒香濃，送飯一流🤤！
雞肉有啲似海南雞，而且仲要係雞髀嘅部位，非常之滑💕！
沙甸魚配蕃茄都非常之夾，酸酸辣辣同樣啱晒送飯✔️。
唯獨最後嘅雜菜就有啲淡而無味🤭只係白恰。不過上網見到人哋好似係有花生醬，可能咁啱唔記得俾我哋。不過其他肉類都夠好味！
椰漿飯仲要有好多料🤩包含着魚乾、辣椒仔、薑，椰漿味道雖然唔算超重，但略帶甜味都唔錯，同埋啲肉類嘅醬汁一齊食就一流😋
另外無論係斑斕飯定係椰漿飯份量都係超大，一個飯一定夠晒男仔食，夠抵食！
味道: 4/5
性價比:4.2/5
羊肉沙嗲三串🐏$58
望落去烤到幾乾身，點知食落去都好林仲要有肉汁🥰！就算唔配豉油就咁食都夠香。
味道: 4/5
性價比:4/5
牛油果沙冰🥑$48
大杯到嚇親我，超級足料！入口好順滑，唔會有冰粒嘅感覺，亦唔會太凍。仲配埋少許朱古力醬，簡直一道甜品咁！
味道: 4.2/5
性價比:4.1/5
最後我哋臨走仲喺門口買咗少少糕點🍰我成日經過呢啲泰國印尼餐廳都會想試佢哋啲糕點，但好多時候買完發現冇乜味，冇諗過呢一間居然咁好食！
紫薯千層糕 🍠$7
出乎意料地真係食到有紫薯嘅香氣🍠成日覺得紫薯嘅甜品都係得個樣，始終冇番薯咁甜，有時仲會有啲假。但呢一個紫薯真係滲出淡淡天然嘅紫薯香甜，而且仲夾雜着椰汁嘅香，口感煙韌，值得一試🤤！
味道: 4.2/5
性價比:4.2/5
六白雙層糕🍰$7
呢個更有驚喜❗️綠色係椰汁糕，白色就係椰漿糯米飯，兩者加埋一齊真係好正🤤無論係味道定口感都好豐富！尤其是綠色嗰層令我聯想起泰國綠色三角形嗰隻椰子糖，配埋底下層有啲咬口嘅糯米飯，絕對係一流嘅糕點，$7真係好抵食。
味道: 4.5/5
性價比:4.5/5
整體來講呢間印尼菜的確好啱我口味，價錢亦唔算太貴，分量夠晒大，男人都會飽，真心唔錯💕！
印尼四大天王飯轉椰漿飯
$93
128 瀏覽
1 讚好
0 留言
印尼四大天王飯轉椰漿飯
$93
18 瀏覽
0 讚好
0 留言
燒半隻鴨飯轉班蘭飯
$93
22 瀏覽
0 讚好
0 留言
羊肉串燒
$58
17 瀏覽
0 讚好
0 留言
牛油果沙冰
12 瀏覽
0 讚好
0 留言
紫薯千層糕 六白雙層糕
$14
15 瀏覽
0 讚好
0 留言
張貼
