影片
更多
2022-10-25
217 瀏覽
🌟餐廳：食之劇場餐廳📍地址：西貢白沙灣碼頭酒店地下💰價位：$801以上⏰營業時間：星期一至日12:00 - 22:00📱電話：27797797終於試咗呢間WA-Theater Restaurant！無論食材、服務、環境等等都超滿意，忍唔住要同大家分享吓💗💗餐廳位於白沙灣碼頭酒店地下，揸車可以泊酒店停車場或者附近有咪錶，亦可以搭巴士/小巴喺白沙灣站落再行幾分鐘～設廂房、壽司吧枱同high table，環境企理潔淨好舒適，空間感十足。———————————————————🔹白神山地之水料理及飲用水都係選用白神山水，超軟水蘊含天然礦物質成分，飲落特別甘甜柔和，夠哂純淨！———————————————————🔹精選和食晚市套餐有四個SET，價錢豐儉由人～前菜-蓮藕小饅頭將蓮藕磨成蓉，再淋上松葉蟹既蟹肉汁，口感層次相當豐富，好清新。-醋物有齊水雲、水果蕃茄、珊瑚，酸酸甜甜好開胃。-玉子燒、番薯、佃煮核桃小女子核桃小女子結合魚乾同核挑，酥脆爽口，玉子燒蛋香十足，番薯好軟棉。-自家製合桃豆腐配海老軟滑豆腐有淡淡合桃香，海老鮮甜美味好爽口。———————————————————🔹刺身-北寄貝肉質肥美爽
📍地址：西貢白沙灣碼頭酒店地下
💰價位：$801以上
⏰營業時間：星期一至日12:00 - 22:00
📱電話：27797797
終於試咗呢間WA-Theater Restaurant！
無論食材、服務、環境等等都超滿意，
忍唔住要同大家分享吓💗💗
餐廳位於白沙灣碼頭酒店地下，
揸車可以泊酒店停車場或者附近有咪錶，
亦可以搭巴士/小巴喺白沙灣站落再行幾分鐘～
設廂房、壽司吧枱同high table，
環境企理潔淨好舒適，空間感十足。
———————————————————
🔹白神山地之水
料理及飲用水都係選用白神山水，
超軟水蘊含天然礦物質成分，
飲落特別甘甜柔和，夠哂純淨！
———————————————————
🔹精選和食晚市套餐有四個SET，價錢豐儉由人～
前菜
-蓮藕小饅頭
將蓮藕磨成蓉，再淋上松葉蟹既蟹肉汁，
口感層次相當豐富，好清新。
-醋物
有齊水雲、水果蕃茄、珊瑚，酸酸甜甜好開胃。
-玉子燒、番薯、佃煮核桃小女子
核桃小女子結合魚乾同核挑，酥脆爽口，
玉子燒蛋香十足，番薯好軟棉。
-自家製合桃豆腐配海老
軟滑豆腐有淡淡合桃香，
海老鮮甜美味好爽口。
———————————————————
🔹刺身
-北寄貝
肉質肥美爽脆，用火輕炙後味道更甘甜
-大拖羅
脂肪分佈如雪花般，富天然魚油脂甘香，入口即溶
-赤身
口感鮮嫩結實，脂肪量較少，風味濃郁
———————————————————
🔹刺身
-赤牡丹
蝦肉極甜美，口感細綿帶爽，
配以細蔥、蝦膏蝦頭＋海膽汁醬
-秋刀魚
肥美飽滿好鮮味，配有味芝麻、茗荷
-大筋拖羅
用火輕炙，滿滿油脂感，幾乎入口即溶，配紫蘇花同食
-香箱蟹
外子脆卜卜、內子甘香又JUICY，
蟹肉鮮甜嫩滑，配土佐醋啫喱清新又醒胃。
———————————————————
🔹田樂味噌A4 宮崎和牛
田樂味噌為金菇麵豉口味，味道濃郁鹹鮮帶甜，
A4 宮崎和牛肉質細嫩，口感緊緻順滑；茄子軟棉，
面頭配以炸過既乾蔥，好有蔥香～
———————————————————
🔹白麵豉燒雞
選用石野味噌，純天然無添加，
阿波尾雞經醃漬一整晚，口感特別嫩滑多汁。
———————————————————
🔹 宮城縣真蠔鍋
大大隻真蠔飽滿漲卜卜，食落肥美滑溜好豐滿，
配菜有大量鮮甜蔬菜，連湯汁都好清甜～
———————————————————
🔹斧飯
配合香港STYLE，以煲仔上枱，好得意。
材料有左肥美又爽口既左口魚魚邊、軟嫩鮮甜有嚼勁既鮑魚粒、三葉等等，
飯選用日本七星米，洗米、煮米過程都用上白神山地之水，以高湯熬製，
將米飯及所有拌勻後材料，味道更加香濃，屠次超豐富。
———————————————————
🔹立魚湯
用上大量白身魚煮成，味道鮮甜溫和。
材料有甘甜立魚、蛋花絲、京都豆腐、杞子、三葉。
———————————————————
🔹甜品
富良野赤肉蜜瓜果肉軟滑，香甜多汁；
自家製Tiramisu細緻滑順香甜不膩。
———————————————————
😋味道：8.5/10
🏢環境：8.5/10
💁🏻♀️服務：9/10
💵價錢：8/10
🤟🏻性價比：8.5/10
———————————————————
張貼
