The Captain's House

營業中

休息中

尖沙咀厚福街出名是食街，今晚約了幾個朋友一齊去了巷尾上樓的The Captain’s House。先去了openrice望望，似乎這裏最出名的是海鮮拼盤，去到餐廳每一枱都有點這個拼盤，所以我們都試一試。海鮮拼盤5款我們揀了龍蝦仔、蜆、墨魚仔、蝦及長腳蟹，海鮮一整袋上枱，點員搖均了個汁後解開，裏面還冒煙，果然新鮮熱辣，我們要了檸檬牛油汁，醬汁有好香的牛油及忌廉味，非常creamy。海鮮中龍蝦仔是最鮮甜，其次是蝦，蜆肉亦都無沙不過比較細粒，長腳蟹就比較麻煩，一定要落手慢慢拆，除了海鮮外，還有些原個薯仔、粟米及德國香腸，非常豐富。香草包店員介紹以香草包點檸檬牛油汁，香草包烘至外脆內軟，加上醬汁creamy，配搭香草包一流。半熟吞拿魚配青瓜沙律吞拿魚外面煙燻過，裏面還帶點生，肉質比較有咬口，配埋青瓜、紫洋葱及番茄仔，非常清新開胃。蟹餅雖然細細件，但裏面充滿了蟹肉，完全無蟹殻，非常鮮甜。Lychee Martini有淡淡的酒香加上甜甜的荔枝味，入口清新。Hoegaarden手工啤味道比較苦，甜味較低。整體質素不錯而且有特式，海鮮味道不錯而且店員服務細心且主動，又會推介一些特式食物，值得一讚。