影片
更多
2023-01-12
839 瀏覽
連鎖經營嘅漢堡包店平時就識唔少㗎喇，所以一般放假都唔會選擇食漢堡包，但係今次朋友推薦，我一定要試吓依間漢堡包店，咁趁放假晏晝就去試吓到底有幾出色講真以款式種類嚟講，依間餐廳唔算係有好多款式提供，但始終唔係大型連鎖餐廳，冇可能入定很多食材，為確保新鮮，咁一定要喺其他方面犧牲，所以佢就集中得幾款漢堡包選擇，但其實都已經足夠，因為咁樣先可以確保保持水準。為咗可以盡量嘗試更多唔同嘅味道，所以同朋友分別嗌咗三隻唔同嘅口味，分別係型男漢堡、經典牛堡、煙肉漢堡型男漢堡 $68一睇個名都知有幾巴閉😎朋友一睇到即刻就話要叫依個，食材都係咁多款漢堡包中最多，除咗有厚厚嘅漢堡牛扒之外，仲有煙肉、雞蛋和紅菜頭這些配菜，就算單純睇到都會覺得飽嘅程度，而且就算用竹簽去叉住佢，佢啲食材都因為太多嘅關係，很難完全叉穩佢，所以有少少似比薩斜塔咁傾斜向一則，由此可見基本上冇可能一啖由頂食到最底，不過更加唔可以用刀叉去輔助，唔係就會好似我朋友咁樣，跌到一地都係🤣🤣🤣。一定！一定要用手食，唔好話擔心污糟，唔係你唔用手去食仲污糟呀。不過因為有漢堡扒和雞蛋煙肉這些，就算唔食薯條，單食一個包都已經足夠一個男生覺得飽肚，絕對係抵食之
講真以款式種類嚟講，依間餐廳唔算係有好多款式提供，但始終唔係大型連鎖餐廳，冇可能入定很多食材，為確保新鮮，咁一定要喺其他方面犧牲，所以佢就集中得幾款漢堡包選擇，但其實都已經足夠，因為咁樣先可以確保保持水準。
為咗可以盡量嘗試更多唔同嘅味道，所以同朋友分別嗌咗三隻唔同嘅口味，分別係型男漢堡、經典牛堡、煙肉漢堡
型男漢堡 $68
一睇個名都知有幾巴閉😎朋友一睇到即刻就話要叫依個，食材都係咁多款漢堡包中最多，除咗有厚厚嘅漢堡牛扒之外，仲有煙肉、雞蛋和紅菜頭這些配菜，就算單純睇到都會覺得飽嘅程度，而且就算用竹簽去叉住佢，佢啲食材都因為太多嘅關係，很難完全叉穩佢，所以有少少似比薩斜塔咁傾斜向一則，由此可見基本上冇可能一啖由頂食到最底，不過更加唔可以用刀叉去輔助，唔係就會好似我朋友咁樣，跌到一地都係🤣🤣🤣。一定！一定要用手食，唔好話擔心污糟，唔係你唔用手去食仲污糟呀。
不過因為有漢堡扒和雞蛋煙肉這些，就算唔食薯條，單食一個包都已經足夠一個男生覺得飽肚，絕對係抵食之選而且佢嘅漢堡扒唔係乾柴柴嗰種，食落去有肉味之外，仲會食到滿滿嘅肉汁，只不過點這個的話，可以選擇沙律，避免最後覺得太膩，太飽。同埋雖然寫係流心蛋，但唔知今次係咪師傅失手，所以變成了普通煎蛋。
不過整體來講，這個型男漢堡佢嘅份量和質素都已經完全值得佢依個價錢，絕對係性價比之王
經典牛堡 $64
叫得做經典就知道咩叫做不敗傳說，一間漢堡店好唔好食，出唔出色；最簡單直接嘅方法就係試吓佢嘅經典漢堡好唔好食，因為經典一般都係用最簡單平凡嘅食材製成，絕少會放其他食材。但正正就係因為咁簡單直接才是最困難，冇辦法放其他食材，導致客人一定最食到師傅嘅功力，只要沙律菜不新鮮，漢堡扒煎耐咗這些都係經典款好容易就食得出，因為你冇辨法好似其他款式咁增加其他調味料去掩蓋本身的不足。所以這間餐廳嘅經典牛堡，雖然未去到女好出色，但本身也不差，屬於可以一試。
煙肉漢堡 $66
其實依個和型男漢堡分別不大，就是少了雞蛋，所以一樣都係用手食會方便一點（應該盡量都用手比較好，就算係為咗乾淨啲都好，都係用手食最好，你都唔希望食到一半就已經散晒）佢嘅麵包質地比一般漢堡包嘅麵包軟身少少，所以唔會好吸到漢堡扒嘅肉汁，容易一邊食一邊滴晒啲肉汁落枱，所以要小心啲食。
除此之外，我覺得薯條偏硬同乾，唔太好食，不過如果係硬身薯條嘅人可能會鐘意，所以一般人感覺選擇沙律會比較好
飲品方面就都不過不失，沒甚麼好推介
以上均是我個人觀感，每人觀感並不相同，如有任何問題，敬請見諒
張貼
