正點心 (已結業)

咁岩交收去左美孚，見咁耐無去美孚食野，搵下有咩新鋪頭，搵到呢間咁多正評既點心店，間鋪都大、幾整潔，坐底叫左幾款點心試下先～蟹籽燒賣 🌟🌟🌟🌟大大粒燒賣，蟹籽份量都好足，肉質彈牙蝦餃 🌟🌟🌟皮夠薄，但餡比較實，可能蝦肉唔夠/唔靚，唔彈牙，但味道都唔錯蛋蛋流心奶黃包 🌟🌟🌟🌟🌟超級推介～本身諗住試小豬流心包，點知轉左呢款，荷包蛋造型，大大個蛋黃包，好可愛，一咬流哂奶黃流心，食個陣小心熱襯咀呀野菌米網腸粉 🌟🌟🌟🌟口感好豐富，彈牙既腸粉皮包住脆卜卜既米網，餡料係有咬感既野菌，味道好夾，值得一試～籠仔排骨鳯爪飯 🌟🌟🌟🌟午市先有籠仔排骨鳯爪飯，荷葉包住飯，佈滿排骨鳯爪，飯吸哂荷茶香同埋排骨鳯爪油分，好香，而且份量好夠，2-3個人食都夠