影片
更多
2022-10-06
414 瀏覽
同三五知己暢聚，緊係想搵個舒服嘅餐廳啦。睇過介紹，見到呢度可以有自己嘅間隔房，感覺唔錯，於是就打定電話嚟訂位，嚟到好快就可以安排我地入坐。一坐低緊係要揀野食先啦。食火鍋最重要就係個湯底，我地決定揀左個望落似係材料最豐富嘅湯底。跟住就揀嘢食，一於懶人菜單，咩都唔諗，牛肉要併盤、餃子、丸子當然都係要併盤啦；最後連菜都係揀埋一個併盤就搞掂。所有嘢都可以唔洗揀，啱哂我哋呢啲有選擇困難症嘅客人。 🌶泰式無骨鳳爪($78)未食火鍋先要一個小食，微酸微辣夠晒開胃，鳳爪幾爽彈。 🍲湯底:胡爐醉八鮮鍋($398)材料有龍蝦、卜卜蜆、青口、東風螺、螺片、鮑魚、花膠、仲有小小魚翅等等。儀式感一流嘅海鮮煱，侍應先開火炒熱食材，然後加酒點火，當火熄後加湯，成個過程非常之好睇，而且陣陣酒香撲鼻。當湯底預備好，侍應叫我地先試吓湯嘅味道，我地好快每人𢳂左d嚟飲，個湯係好濃嘅龍蝦味、少少酒香、仲有海鮮嘅鮮甜。個湯底真係唔錯，我地覺得自己揀得好好🤭。 🥩牛肉:胡爐十二道牛盛盒($688)腩肋條、池板、封門柳、牛頸脊、 牛白肉、牛舌心、安格斯、飛驒和牛、坑抓、紅酒浸牛、 邊抓、牛展。12款不同部位嘅牛肉，顏色鮮豔、雪花紋理
一坐低緊係要揀野食先啦。食火鍋最重要就係個湯底，我地決定揀左個望落似係材料最豐富嘅湯底。跟住就揀嘢食，一於懶人菜單，咩都唔諗，牛肉要併盤、餃子、丸子當然都係要併盤啦；最後連菜都係揀埋一個併盤就搞掂。所有嘢都可以唔洗揀，啱哂我哋呢啲有選擇困難症嘅客人。
🌶泰式無骨鳳爪($78)
未食火鍋先要一個小食，微酸微辣夠晒開胃，鳳爪幾爽彈。
泰式無骨鳳爪
$78
10 瀏覽
0 讚好
0 留言
🍲湯底:胡爐醉八鮮鍋($398)
材料有龍蝦、卜卜蜆、青口、東風螺、螺片、鮑魚、花膠、仲有小小魚翅等等。儀式感一流嘅海鮮煱，侍應先開火炒熱食材，然後加酒點火，當火熄後加湯，成個過程非常之好睇，而且陣陣酒香撲鼻。
胡爐醉八鮮鍋
$398
11 瀏覽
0 讚好
0 留言
當湯底預備好，侍應叫我地先試吓湯嘅味道，我地好快每人𢳂左d嚟飲，個湯係好濃嘅龍蝦味、少少酒香、仲有海鮮嘅鮮甜。個湯底真係唔錯，我地覺得自己揀得好好🤭。
🥩牛肉:胡爐十二道牛盛盒($688)
腩肋條、池板、封門柳、牛頸脊、 牛白肉、牛舌心、安格斯、飛驒和牛、坑抓、紅酒浸牛、 邊抓、牛展。
胡爐十二道牛盛盒
$688
14 瀏覽
0 讚好
0 留言
12款不同部位嘅牛肉，顏色鮮豔、雪花紋理清晰可見，加埋靚靚嘅擺盤，又係相機食先嘅必選。多款牛肉都非常軟腍，入口肉味重，不過可惜無清楚標明，所以其實入口都未必知道自己食緊邊一款牛肉，最清楚嘅係紅酒浸牛，因為一擺入口就嚐到濃郁嘅紅酒味。亦要讚吓廚房嘅刀功，因為唔同牛嘅部位用左唔同嘅切法，咁樣食起上嚟，就更加食到牛嘅真味道。例如牛舌心會係薄切，因為牛舌其實好容易淥過龍而變得韌、嚡口，但係薄切就唔會有呢個問題。牛展、封門柳呢d就會厚切，入口就可以慢慢細嚼，品嚐肉味就更佳。
🥟醉胡爐五寶餃($108)
同樣無清楚標明，所以估計係包括香荽豚肉餃、黑松露蟹肉餃、手工雲吞、自家製韮菜餃、XO鮑魚蝦餃王。
醉胡爐五寶餃
$108
7 瀏覽
0 讚好
0 留言
🧆醉胡爐五寶丸($108)
估計係手打墨魚丸、手打香茜炸菜牛丸、梅菜豬肉丸、黑松露墨魚丸、西洋菜墨魚丸
醉胡爐五寶丸、醉胡爐五寶餃
$108
8 瀏覽
0 讚好
0 留言
餃同肉丸都睇得出係自家人手製作，入口就更肯定一定係，因為味道夠新鮮，食落完全唔會有雪味，咬落彈牙、有口感；擺入湯底度淥，唔會烈開、散晒，依然見到鮮嫩嘅顏色。
餃類最喜歡韮菜餃，可能因為自己鍾意食韮菜☺。韮菜無渣，味帶鮮甜。
而丸就最鍾意墨魚丸，因為呢個口感最出，咬落係有一粒粒嘅口感。
大蔬菜拼盤($93.0)
睇相已知，每一棵都係鮮嫩翠綠，白菜仔仲好甜。
除左併盤我地仲叫左好多人都推薦嘅紫菜炸響鈴($88)。真係好好食，新鮮炸起，上枱仲見到有油光。擺落湯碌一碌即夾起嚟食，意外地完全唔覺得油膩，雖然浸過湯，但都依然鬆脆。
紫菜炸響鈴
$88
6 瀏覽
0 讚好
0 留言
食材高質，可以有自己房間，侍應服務友又好，呢度絕對可以係下次同朋友再聚嘅地方喔！
張貼
