粵軒

營業中

休息中

母親節到處人多，再次光臨呢一間酒樓，試埋上次未試過既點心。餐牌首先點左之前都有叫過既幾款唔錯既點心。黑魚子花姑燒賣皇，HKD 22。雖然得2粒，但佢一粒等於平時1.5粒既size，所以好抵食。醬皇蒸鳳爪，HKD 32。新鮮，大隻。之後試新野。筍尖活剝蝦餃皇，HKD 22。都係一樣，大大粒，幾新鮮。蜜汁叉燒包，HKD 32。要咬幾啖先見到叉燒，正常水準。百花炸釀蟹鉗，HKD 40。個人認為40蚊得2隻有啲貴，雖然好食，但同出面嘅炸蟹鉗差唔多味道。生煎韭菜蝦餅，HKD 36。我本人唔鍾意食韭菜，但係呢個整得好好食，韭菜mix蝦餅原來咁夾，令我都成舊食曬，必點之選。碧綠叉燒腸，HKD 35。普通，冇乜特別。胡椒湯芋絲蒸魚雲，HKD 36。屋企人話個湯幾好飲，我自己就覺得同平時酒樓差唔多，中上。