更多
2023-08-16
3676 瀏覽
今次去呢間米芝蓮一星級中菜廳食晚飯,我對佢係好高期望,佢地係一間好出名既餐廳,佢既服務真係要讚👍🏻 會主動幫手斟茶之餘,我地同行有個孕婦,員工見到即刻攞個咕𠱸比佢墊住條腰,呢個舉動非常窩心🥰我地一共叫左8樣野,明爐蜜汁叉燒($280),燒得好靚之餘,係有入口即溶既感覺,可以話係我食過最好既叉燒😧第2樣就係毛家東玻肉($278),佢首先成件上比我地睇同影相,然後幫我地分成6件,岩岩好一人一件,呢個睇落好肥咁,但食落係一d都唔‘漏’,加埋個醬汁好好味,同樣係好高質既一味餸👏第3樣係砂窩薑蔥乳香鱈魚($288),呢個雖然佢係南乳整既,但我食落有d似咕嚕肉既feel,舊魚就好滑既,都係好味既餸,但唔係必點之一👌🏻第4樣就係砂窩干蔥鮑魚雞($580),佢將一個雞煲加上鮑魚去整,雞同鮑魚都夠火候去煮,但感覺呢個餸都係唔算突出👌🏻第5樣就係脆皮乳豬琵琶豆腐($398),個琵琶豆腐整得幾好味,乳豬係肥瘦適中,比起一般既皮同肉分開,佢係完完整整既一件,脆皮同肉既口感一次過食到👍🏻第6樣係XO醬西蘭花帶子桂花蚌($480),呢個帶子同桂花蚌真係兩個字好到位咁形容,新鮮!佢果種鮮味係真係呢d地方先食得到🤩第
我地一共叫左8樣野,明爐蜜汁叉燒($280),燒得好靚之餘,係有入口即溶既感覺,可以話係我食過最好既叉燒😧
第2樣就係毛家東玻肉($278),佢首先成件上比我地睇同影相,然後幫我地分成6件,岩岩好一人一件,呢個睇落好肥咁,但食落係一d都唔‘漏’,加埋個醬汁好好味,同樣係好高質既一味餸👏
第3樣係砂窩薑蔥乳香鱈魚($288),呢個雖然佢係南乳整既,但我食落有d似咕嚕肉既feel,舊魚就好滑既,都係好味既餸,但唔係必點之一👌🏻
第4樣就係砂窩干蔥鮑魚雞($580),佢將一個雞煲加上鮑魚去整,雞同鮑魚都夠火候去煮,但感覺呢個餸都係唔算突出👌🏻
第5樣就係脆皮乳豬琵琶豆腐($398),個琵琶豆腐整得幾好味,乳豬係肥瘦適中,比起一般既皮同肉分開,佢係完完整整既一件,脆皮同肉既口感一次過食到👍🏻
第6樣係XO醬西蘭花帶子桂花蚌($480),呢個帶子同桂花蚌真係兩個字好到位咁形容,新鮮!佢果種鮮味係真係呢d地方先食得到🤩
第7樣就係鮑汁瑤柱荷葉飯($218),呢個飯粒粒分明,唔會食落好黏既感覺😁
最後就係甜品既家鄉甜簿撐($58),呢個甜品好小見,都係試下,感覺唔太特別😗
整體黎講佢地食物,服務,環境都真係好高質,我諗唔到有咩缺點,可能會覺得貴,但比得咁既錢,佢又比到呢個質素我,所以我覺得就算貴佢都係值🤣
張貼