逸東軒

Item: 逸東軒
Rating: 4
Author: RheaChim

Yat Tung Heen

662 食評

味道

環境

服務

衛生

抵食

43844

佐敦

$201-400

粵菜 (廣東) 海鮮點心酒店餐廳咪嘥嘢食店少鹽少糖食店

複製到剪貼簿

465

資訊:
餐廳:	逸東軒

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

資訊:
餐廳:	逸東軒

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

RheaChim

等級4

919

逸東軒 #佐敦 #黃店 💛💛💛
❗️米芝蓮一星中菜黃店咁正係邊度搵❗️
由而家至到4月30號嘅星期一至五，所有點心都只係係$38🤩呢個價錢係一星級嘅中菜餐廳嚟講真係好抵，睇返平時個Menu大部份都要成$55-70㗎。加上Eaton Hotel都算係出名嘅黃酒店，即刻忍唔住book位去食💛！所有點心都係$38 (不過茶芥就貴少少要成$28位)

點心必食指數由高至低

春風得意脆皮腸粉✔️✔️✔️✔️✔️
呢個真係第一次見😍係腸粉包着春卷，口感豐富，配埋甜豉油麻醬同埋甜醬，味道一流。特別欣賞春卷入面啲蝦🍤非常爽口彈牙！

瑤柱帶子菜苗餃 ✔️✔️✔️✔️✔️
好少嗌菜苗餃🥟但呢個真係有驚喜。個皮超滑又煙韌，入面嘅菜苗配埋瑤柱帶子好香，有少少爽口，的確美味。

酥皮叉燒焗餐包✔️✔️✔️✔️
呢個絕對係高質版叉燒包😍佢個酥皮係我食過最酥化❗️而且麵包夠晒鬆軟，成個叉燒包嘅口感一流。內裏嘅叉燒夠晒多，充滿蜜汁，鍾意食叉燒包嘅一定要嗌。

帶子蒸燒賣✔️✔️✔️✔️
將帶子擺係燒賣嘅面頭，非常之靚😍特別欣賞佢燒賣入面有好多隻蝦🍤🍤🍤非常足料！平時好怕酒樓啲燒賣精道滑潺潺又好重菇味，呢個就絕對冇呢個問題。

豉油王炒腸粉✔️✔️✔️
個名好似好普通，但腸粉炒到有鑊氣。配埋豆瓣醬、麻醬、甜醬之後的確好食🤤。不過齋食就略嫌味道唔夠重。

千層棗皇糕✔️✔️✔️
去親茶樓都一定要食紅棗糕，呢一個紅棗糕紅棗味重，食得出係紅棗天然嘅香甜，而且層數比起一般茶樓食到幾多，做工精美🥰。不過唔知係咪攤凍咗，口感就有啲硬。

麵醬蒸排骨✔️✔️✔️
呢個排骨真係好滑🤩只係味道同一般食到嘅差唔多，唔算太有驚喜。

脆皮流沙包✔️✔️✔️
似炸饅頭，內裏的確流沙😍整體味道其實唔錯但略嫌個包太厚，同個餡料係1:1。

XO醬炒蘿蔔糕✔️✔️
咁多個之中最失望就係呢碟炒蘿蔔糕，XO醬本身應該好香，但呢隻炒蘿蔔糕冇乜味，覺得可以再加多啲XO醬🤔不過好在蘿蔔糕都炒得幾脆嘅，而內裏就軟林林，口感還可以。

整體性價比: 3.9/5 ($38優惠期間)

整體來講味道不俗，每碟水準都唔錯，但又唔會好大驚喜，以$38來講都算值得一試🤤但原價嘅話就唔係好抵，所以大家趁佢仲有優惠嘅時候快啲去啦！