更多
2019-10-21
470 瀏覽
終於等到星期一去食，芝士牛奶鍋做每日精選，好急不及待咁試。奶白色嘅湯底，但聞落去冇陣陣牛奶味。飲落牛奶味都唔太濃。芝士味就只靠片芝士，所以芝士味係零嘅。上菜時芝士已經半溶係d娃娃菜上。鍋料好豐富，包括娃娃菜、海量嘅白豚肉、心型魚豆腐、台式貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃。配料比臭臭鍋普通，比較特別係蛋餃。蛋餃浸係淡牛奶味嘅湯，配搭幾好。烏冬係預先放咗落個湯到，吸咗啲湯，但同時亦過軟。飯方面，上次食完先知有人推介滷肉飯，所以今次特登加$7試。唔知係唔係錯覺，總係覺得滷肉飯望落去比一般飯大碗。滷肉飯入味，個人覺得有少少重口味。所用嘅肉都比較肥。味道唔錯，但食得多會膩。另外我覺得唔係好配牛奶湯，因為會蓋曬湯嘅味。睇黎牛奶湯都係適合配白飯。總括而言，性價比都係超高。雖然冇第一次嚟咁驚艷，但如果要黎第三次我都願意。下次目標：咖哩奶蓋鍋！
奶白色嘅湯底，但聞落去冇陣陣牛奶味。飲落牛奶味都唔太濃。芝士味就只靠片芝士，所以芝士味係零嘅。上菜時芝士已經半溶係d娃娃菜上。
芝士牛奶鍋
$66
20 瀏覽
0 讚好
0 留言
鍋料好豐富，包括娃娃菜、海量嘅白豚肉、心型魚豆腐、台式貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃。配料比臭臭鍋普通，比較特別係蛋餃。蛋餃浸係淡牛奶味嘅湯，配搭幾好。烏冬係預先放咗落個湯到，吸咗啲湯，但同時亦過軟。
滷肉飯
$7
27 瀏覽
0 讚好
0 留言
飯方面，上次食完先知有人推介滷肉飯，所以今次特登加$7試。唔知係唔係錯覺，總係覺得滷肉飯望落去比一般飯大碗。滷肉飯入味，個人覺得有少少重口味。所用嘅肉都比較肥。味道唔錯，但食得多會膩。另外我覺得唔係好配牛奶湯，因為會蓋曬湯嘅味。睇黎牛奶湯都係適合配白飯。
總括而言，性價比都係超高。雖然冇第一次嚟咁驚艷，但如果要黎第三次我都願意。
下次目標：咖哩奶蓋鍋！
20 瀏覽
0 讚好
0 留言
張貼
