麥文記麵家

營業中

休息中

已經好耐冇黎過麥文記，對上一次大概2年前。店內環境依舊，不過可能米芝連既名氣，店內擠滿的盡是遊客。座位依然擠迫，朋友第一次黎覺得店入面環境坐得唔舒服。既然黎到就當然必點招牌麵 – 鮮蝦雲吞麵比起一般雲吞麵店不同嘅係麥文記雲吞麵非常細碗。師傅沿用正宗做法，將雲吞放底並用湯匙托起，再放幼麵上面。幼麵不會全個浸在湯中，以免濕了破壞口感。幼麵爽口彈牙有蛋味，但不復當年口感。雲吞皮薄，鮮蝦入口鮮味十足，蝦肉比例約8:2。另外點左碟油菜，真係好油！雖然細蓉確實退步，但仍是我心中細蓉店頭幾位。