名門私房菜

營業中

休息中

咁大個人第一次去食私房菜托好友嘅鴻福😆😆加人工咁大件事，點都要請我食飯啦。朋友之前嚟過一次，話印象唔錯，所以就預早幾日book咗位。地點喺灣仔，都尚算方便。我見識少，以為私房菜會冇乜選擇，點知嚟到見到餐牌，都有好多頁！基本上可以話係應有盡有🤔🤔 一場嚟到，唔想錯過最精彩嘅嘢食，最好就係叫店員介紹😆😆超鍾意飲湯嘅我，真係飲到嗌晒救命！真係好好飲！啲湯嘅膠質係令到啲湯有少少濃稠，味道唔會太鹹，飲到螺頭湯應有嘅鮮甜👍🏼👍🏼👍🏼 好滿足👍🏼👍🏼👍🏼呢個好似係炸鴿酥🤔🤔睇佢個樣，密密實實，食落都有驚喜！原來係用芋泥包住左一啲炒香左嘅肉碎，外面酥脆，唔油膩，內涵分量恰到好處，味道調節得好好！仲食到少少潤，可能係乳鴿嘅肝，夠晒鹹香，正！蝦蝦炒芥蘭，依個煲仔上既菜都唔簡單，屋企整都真係未試過/直頭冇諗過可以咁整！佢係用咗蝦乾，同埋新鮮嘅蝦，再用蝦醬炒芥蘭，菜夠嫩夠脆，明顯係有揀過處理過👍🏼👍🏼蝦醬味香到一個點，令人食到津津有味😁😁壓軸再食埋個名門炒飯，鑊氣十足，炒飯粒粒分明，最重要係好多材料，再一次出現新鮮蝦肉！仲有叉燒，瑤柱👍🏼👍🏼成餐飯都非常精彩，雖然我哋都冇叫到乜嘢極度奢華嘅菜式，但平凡嘅食材，