影片
更多
2021-07-24
120 瀏覽
奶蓋茶係一種好邪惡嘅飲品，雖然好飲，但飲親都會覺得非常罪惡。既然係咁，如果只可以揀一杯奶蓋茶嚟飲，我諗我會揀NUTTEA。鰂魚涌嘅食店唔算多，NUTTEA算係為數不多嘅台式飲料店。位置近地鐵站，兩三分鐘距離，非常方便。我揀咗佢哋招牌嘅伯爵朱古力堅果奶蓋茶（$47）同埋繽紛火龍果堅果奶蓋茶（$39）。首先呢兩杯奶蓋茶嘅賣相都十分之靚，奶蓋都有根據所揀嘅口味而有唔同顏色，超級用心，注重細節。伯爵朱古力堅果奶蓋茶嘅奶蓋上灑咗一啲朱古力份，視覺效果極度誘人。奶蓋茶嘅建議飲法係一開頭用鏟飲少少奶蓋先，跟住再連茶一齊飲，感受下兩種口感。奶蓋整得好厚實，畀得足料，直頭覺得可以當一款出得街嘅甜品獨立咁賣。而烏龍茶底亦非常清香，濃度恰到好處，順滑唔澀，好似有啲棉花輕撫喉嚨咁，正。繽紛火龍果堅果奶蓋茶都一樣高質，火龍果味香濃，奶蓋漸變色更加好睇。奶蓋頂會加少少碎花做點綴，視覺同味覺都一流。
鰂魚涌嘅食店唔算多，NUTTEA算係為數不多嘅台式飲料店。位置近地鐵站，兩三分鐘距離，非常方便。
我揀咗佢哋招牌嘅伯爵朱古力堅果奶蓋茶（$47）同埋繽紛火龍果堅果奶蓋茶（$39）。
首先呢兩杯奶蓋茶嘅賣相都十分之靚，奶蓋都有根據所揀嘅口味而有唔同顏色，超級用心，注重細節。
伯爵朱古力堅果奶蓋茶嘅奶蓋上灑咗一啲朱古力份，視覺效果極度誘人。奶蓋茶嘅建議飲法係一開頭用鏟飲少少奶蓋先，跟住再連茶一齊飲，感受下兩種口感。
奶蓋整得好厚實，畀得足料，直頭覺得可以當一款出得街嘅甜品獨立咁賣。而烏龍茶底亦非常清香，濃度恰到好處，順滑唔澀，好似有啲棉花輕撫喉嚨咁，正。
繽紛火龍果堅果奶蓋茶都一樣高質，火龍果味香濃，奶蓋漸變色更加好睇。奶蓋頂會加少少碎花做點綴，視覺同味覺都一流。
張貼
