更多
2019-05-29
150 瀏覽
今日又過左黃大仙探朋友兼搵佢BB玩~我同佢都鍾意食日本野，夜晚佢就帶去佢佢既飯堂~就係呢間日式餐廳!7點幾去到已經好多人，係正黃大仙中心應該附近好多街坊都會黎食。眼見隔離檯點左D壽司大大件好似好吸引，朋友就話難得我過黎，由佢發板點D特別D既野我食~所以就由揸主意，連埋甜品叫左6樣野食。安格斯牛扒他他沙律一上檯我已經嘩左一聲，朋友見我咁既反應表示很滿意。因為我估唔到個沙律真係咁大碟，而且上面既牛肉熟成度係剛剛好，外面焦啡內裡粉紅，勁靚!蔬菜方面有生菜、青瓜、洋蔥、栗米同車厘茄，配埋黑醋食，酸酸甜甜好開胃。賣相吸引又好食又有營養!絕對係健康之選!照燒魷魚筒 原隻魷魚切件，見到砌得番成隻魷魚出黎~XD平時因為怕D肉好韌難咬所以好少食魷魚筒。本來都唔係好想夾，但朋友係咁叫我試，點知一試有驚喜，魷魚唔韌之餘好厚肉，食到魷魚鮮味，面頭掃左層照燒汁令成碟魷魚更惹味。日本清酒石鍋煮蜆成個石鍋上，蜆既份量好多，而且係粒粒有肉，唔係平時食到果d了黎了去都剩得d殼，湯底好濃好香清酒味，忍唔住用殼就咁筆黎飲!非常鮮甜! 蜆肉都好新鮮冇沙，亦見唔到d未開口既死蜆，值得一讚!金蒜燒日本米茄子發覺呢間餐廳好鍾意將食
7點幾去到已經好多人，係正黃大仙中心應該附近好多街坊都會黎食。
眼見隔離檯點左D壽司大大件好似好吸引，朋友就話難得我過黎，由佢發板點D特別D既野我食~所以就由揸主意，連埋甜品叫左6樣野食。
安格斯牛扒他他沙律
一上檯我已經嘩左一聲，朋友見我咁既反應表示很滿意。因為我估唔到個沙律真係咁大碟，而且上面既牛肉熟成度係剛剛好，外面焦啡內裡粉紅，勁靚!蔬菜方面有生菜、青瓜、洋蔥、栗米同車厘茄，配埋黑醋食，酸酸甜甜好開胃。賣相吸引又好食又有營養!絕對係健康之選!
安格斯牛扒他他沙律
15 瀏覽
0 讚好
0 留言
照燒魷魚筒
原隻魷魚切件，見到砌得番成隻魷魚出黎~XD平時因為怕D肉好韌難咬所以好少食魷魚筒。本來都唔係好想夾，但朋友係咁叫我試，點知一試有驚喜，魷魚唔韌之餘好厚肉，食到魷魚鮮味，面頭掃左層照燒汁令成碟魷魚更惹味。
照燒魷魚筒
17 瀏覽
0 讚好
0 留言
日本清酒石鍋煮蜆
成個石鍋上，蜆既份量好多，而且係粒粒有肉，唔係平時食到果d了黎了去都剩得d殼，湯底好濃好香清酒味，忍唔住用殼就咁筆黎飲!非常鮮甜! 蜆肉都好新鮮冇沙，亦見唔到d未開口既死蜆，值得一讚!
日本清酒石鍋煮蜆
20 瀏覽
0 讚好
0 留言
金蒜燒日本米茄子
發覺呢間餐廳好鍾意將食物砌番做佢原本既樣子~呢碟茄子亦是其中之一。原條茄子切半再燒，面頭鋪滿金蒜，好香好惹味!成條茄子好厚肉，而且燒得夠軟林又juicy。
金蒜燒日本米茄子
14 瀏覽
0 讚好
0 留言
黑豚腩燒丼
一黎到好香炭燒味，黑豚腩薄切但份量都唔少，黑豚腩油脂分佈均勻，食落口唔會成啖油，一口咬落去油香炭香肉香一次過嚐到，超推介呢個燒丼!配埋個醬汁撈飯食一流!
黑豚腩燒丼
21 瀏覽
0 讚好
0 留言
嶡餅白玉宇治抹茶雪糕
朋友知我最愛甜品就話一定要試下呢度既抹茶雪糕，佢特別之處係自家製而且採用日本原材料!講到咁正幾飽都要試一試。我地點左呢個嶡餅白玉宇治抹茶雪糕，第一下已經加左佢分，因為佢係我影左幾張相都冇咩溶既情況，唔錯!再試下個抹茶雪糕，呢個真係超級驚喜!估唔到佢既味道可以同日本過江龍d抹茶店同雪糕店有得fight!佢既味道同質感令我相信佢真係用左日本原材料~抹茶味濃兼有回甘!正!再試埋嶡餅同白玉，嶡餅同我前幾日食果間有D唔同，佢係用左抹茶粉係面，微甘得來有嶡餅既爽滑度，白玉同隔離既抹茶小團子都係煙煙韌韌~呢個甜品我真係想俾6粒星!
嶡餅白玉宇治抹茶雪糕
13 瀏覽
0 讚好
0 留言
估唔到黃大仙有間咁正既日式餐廳~4百幾蚊食左咁多野都唔算貴，唔怪得咁多街坊幫襯!
張貼
