掌壽司 (已結業)

駱駝漆大廈我都幾常去，主要係幫襯食東南亞菜及中餐但日本餐就冇幫襯過， 因為覺得日本菜一係就食得平d d ,如連鎖店元x ，一係就食廚師發板的貴價菜， 中高價嘅食過幾次都覺得不值， 所以今次都係因為朋友介紹才一試。去到發現都坐得都算幾舒服，因為就算兩個人都會畀四人座位，一邊有酒櫃， 同嗰度的人傾過計， 原來啲酒都係熟客留。menu唔係好多頁， 因為我遲到嘅關係， 朋友已經預點了吞拿魚柚子醋沙律， 壽司特盛， 雞泡魚干食住先。沙律我食咗少少， 柚子醋感覺健康，充滿日式嘅味道。雞泡魚乾係我嘅最愛，價錢平又襟食， 香口，係要畀啲牙力。六件壽司我就食左赤蝦同海膽， 蝦好鮮甜彈牙， 海膽係我最愛，之後唔夠喉再order咗原板海膽原板馬糞海膽，帶子刺身。 帶子六件六十蚊，海膽原板168，有紫菜跟， 最重要的是食得出新鮮。之後竟然係先上壽喜燒， 和牛好大碟，去到打邊爐嘅份量。 菜已經預先煮熟，所以餐廳的人建議我哋先食菜再食牛。 和牛雪花分佈平均唔會過肥， 爐主要是保持熱度， 淥牛肉都唔會好快熟近乎慢煮， 最適合女士們傾計慢慢食海蝦天婦羅係最後上的菜式，最少等了 半個鐘底少量雜菜天婦羅例如炸南瓜，番薯。