凱悅海南雞專門店

營業中

休息中

今晚兩個人想簡簡單單食一餐。去咗食凱悅美食坊無骨海南雞專賣店。平時呢度都幾多人㗎。但可能因為今日天氣凍，所以比平時少咗客。咁我哋就可以慢慢坐下喇。無骨海南雞黃薑飯：黃薑飯係用咗香茅，香蒜，雞油，同埋黃薑粉去整。所以好香，味道好有層次。飯粒粒分明，唔會淋到一pat咁。見到舖頭牆身上有寫住佢哋嘅雞係每日新鮮到港，並自設農場。再細問老闆之下，原來佢哋嘅雞係食粟米大嘅，所以雞嘅肉質同埋味道都比出面一般嘅好。唔怪之得佢哋嘅海南雞皮比較薄，而且肉質嫩滑啦。雞嘅味道方面，佢冇太濃嘅調味更加食得出雞嘅鮮味。無骨鹽水家積鴨黃薑飯：鹽水唔會太鹹，小小嘅鹹味帶出鴨既味道。就算我食鴨胸都唔會好鞋。鴨肉份量都好多。瓣醬豆腐：有驚喜。外脆內非常Juice。師傅應該係用咗大火去炸新鮮厚切嘅豆腐，先至做到呢個效果。再加埋鹹鹹辣辣嘅瓣醬，好match。紫菜湯：有好多肉碎粒粒喺紫菜湯入邊。應該係用雞殼熬左個湯底再加紫菜落去嘅。所以唔會飲完好頸渴。可以清下熱。熱杏霜：今晚天氣咁凍，飲番杯熱杏霜，美容又暖胃用心製作嘅小店，各位街坊可以試吓。