flow

營業中

休息中

用心的咖啡小店。店舖整潔，服務員全男班，用心煮食物和冲調咖啡。今日去開深水埗，想飲咖啡，就喺大南街全國見到呢一間cafe.見到環境整潔，就入去試吓呢一間嘅咖啡。服務員細心嘅介紹佢哋店舖嘅咖啡，咁我就揀咗一個set：有個牛油果多士同埋一杯咖啡，另外嗌咗兩杯嘢飲take away。服務員見我帶住兩個小朋友，主動問我個多士會唔會比小朋友食，提議個生雞蛋分開放。另外，見到我個set只係得一杯咖啡，就主動俾兩杯水兩位小朋友；亦叫同事兩杯take away嘅嘢飲可以後上。食物方面，個人認為個牛油果多士係好味嘅，杯咖啡唔落糖，但係飲落去好好飲。坐喺吧枱，望住佢哋好用心咁去沖每一杯咖啡， 呢份用心係感受得到嘅。走嘅時候，我四歲嘅細仔同我講：媽咪，個哥哥咁細心嘅，你快啲俾個good佢啦！所以返到嚟立刻要寫返呢個食評。加油！繼續用心去沖條一杯咖啡同埋製作食物俾顧客。你地嘅用心唔會白費架！