更多
2023-05-21
91 瀏覽
舊同事聚會,今次去到灣仔食西班牙菜。餐廳環境幾舒適,食物整體都唔錯,重適合飲返兩杯傾下計。辣味蟹肉撻🦀撻皮香脆,啖啖蟹肉足料,但我哋都食唔出有辣味🤣唔通廚師落少漏落辣椒?秘製招牌香脆鹹豬手🐷上枱已經切左件,方便大家share食。豬手調味做得幾好,唔會死咸,外皮好酥脆,肉質軟熟肥瘦適中,可以配傳統酸菜、芥末或者檸檬汁食解解油腻👍🏻暫時係我係香港食過做得幾好嘅鹹豬手之一🥳烤澳洲肉眼扒配薯條沙律菜🥩牛扒叫5成熟,廚師煮得剛剛好唔會過火。都係切好晒好方便,見到入面微微粉紅色,但又唔會出血水,境界好高👏🏻👏🏻流心軟芝士麻薯鬆餅🥞呢個寫到明準備時間要30分鐘,賣相簡單,但一切開就有澎湃嘅芝士流出來,好正。鬆餅質地鬆軟,介乎梳乎厘同蛋糕之間,有蛋味,不過麻薯唔太突出。招牌鮮雜果麻糬窩夫配雪糕🧇鋪滿鮮果同雪糕,賣想好吸引!呢個就明顯食到麻薯,不過都唔係好多。窩夫外脆內軟,配雪糕一流。腰果意式奶凍🍮平時麻麻地奶凍嘅我,覺得呢個都幾特別幾好味。加左腰果,香滑得黎食到啲沙沙地嘅腰果蓉,口感唔錯,甜度都適中👍🏻總括成餐飯樣樣above average,甜品選擇多又好味,鍾意食甜品嘅可以黎試一試🤟🏻
辣味蟹肉撻🦀
撻皮香脆,啖啖蟹肉足料,但我哋都食唔出有辣味🤣唔通廚師落少漏落辣椒?
秘製招牌香脆鹹豬手🐷
上枱已經切左件,方便大家share食。豬手調味做得幾好,唔會死咸,外皮好酥脆,肉質軟熟肥瘦適中,可以配傳統酸菜、芥末或者檸檬汁食解解油腻👍🏻暫時係我係香港食過做得幾好嘅鹹豬手之一🥳
烤澳洲肉眼扒配薯條沙律菜🥩
牛扒叫5成熟,廚師煮得剛剛好唔會過火。都係切好晒好方便,見到入面微微粉紅色,但又唔會出血水,境界好高👏🏻👏🏻
流心軟芝士麻薯鬆餅🥞
呢個寫到明準備時間要30分鐘,賣相簡單,但一切開就有澎湃嘅芝士流出來,好正。鬆餅質地鬆軟,介乎梳乎厘同蛋糕之間,有蛋味,不過麻薯唔太突出。
招牌鮮雜果麻糬窩夫配雪糕🧇
鋪滿鮮果同雪糕,賣想好吸引!呢個就明顯食到麻薯,不過都唔係好多。窩夫外脆內軟,配雪糕一流。
腰果意式奶凍🍮
平時麻麻地奶凍嘅我,覺得呢個都幾特別幾好味。加左腰果,香滑得黎食到啲沙沙地嘅腰果蓉,口感唔錯,甜度都適中👍🏻
總括成餐飯樣樣above average,甜品選擇多又好味,鍾意食甜品嘅可以黎試一試🤟🏻
張貼