影片
更多
2022-08-19
583 瀏覽
每次入西貢都摸門釘，今次錯有錯著黎到環境幾chill嘅白鬚旗艦店。餐廳主打印尼菜，樓高兩層，裝潢幾有異國風情~下層樓底好高 採光十足，上層就有啲bean bags同projector，室外仲有幾張木枱凳，成個環境都幾有度假feel幾啱hea~除左招牌嘅牛骨湯飯、印尼雞湯粉等傳統印尼菜式，竟然有得嗌淨湯粉$25//淨湯$20 (牛或雞湯)，仲有夏日炎炎必食嘅smoothies bowl。逢星期一至五黎到，嗌招牌湯粉/飯 ✨加$10有是日小食 ✨飲品都有半價優惠。平日6pm前仲有學生/長者優惠添！▪️印尼雞湯粉 $65塊蝦片都幾浮誇！不過我鍾意！厚得黎不失香脆，蝦味仲幾突岀添。雞湯粉嘅湯底同喇沙有幾分相似，不過就無咁濃同辣。雞絲同米粉索汁一流，仲有唔少爽口芽菜椰菜、豆卜、雞蛋等配料，口感豐富。不過重口人士就嫌佢淡左啲啦~▪️泰式魚餅配參峇椰油辣椒醬 +$10(跟餐小食)魚餅質地軟腍，魚味唔算太重，普通~▪️烤豬頸肉 $80烤豬頸肉偏軟腍，唔夠爽彈香口，有啲位仲偏韌。反而下面嘅椰菜芽菜就幾岀色，炒得香口之餘，不失爽脆，毫不油膩，仲好多汁添~▪️印尼千層糕 $18印尼嘅千層糕有別於一般超多cream嘅
除左招牌嘅牛骨湯飯、印尼雞湯粉等傳統印尼菜式，竟然有得嗌淨湯粉$25//淨湯$20 (牛或雞湯)，仲有夏日炎炎必食嘅smoothies bowl。逢星期一至五黎到，嗌招牌湯粉/飯 ✨加$10有是日小食 ✨飲品都有半價優惠。平日6pm前仲有學生/長者優惠添！
▪️印尼雞湯粉 $65
塊蝦片都幾浮誇！不過我鍾意！厚得黎不失香脆，蝦味仲幾突岀添。雞湯粉嘅湯底同喇沙有幾分相似，不過就無咁濃同辣。雞絲同米粉索汁一流，仲有唔少爽口芽菜椰菜、豆卜、雞蛋等配料，口感豐富。不過重口人士就嫌佢淡左啲啦~
▪️泰式魚餅配參峇椰油辣椒醬 +$10(跟餐小食)
魚餅質地軟腍，魚味唔算太重，普通~
▪️烤豬頸肉 $80
烤豬頸肉偏軟腍，唔夠爽彈香口，有啲位仲偏韌。反而下面嘅椰菜芽菜就幾岀色，炒得香口之餘，不失爽脆，毫不油膩，仲好多汁添~
▪️印尼千層糕 $18
印尼嘅千層糕有別於一般超多cream嘅千層蛋糕。蛋糕走紮實路線，甜度亦較高，就唔係好啱我口味啦~整體嚟講，餐廳環境完全營造到一種悠閒嘅氛圍，食物質素都算對得住個價錢，但就無話好驚喜 (始終無食備受好評嘅牛骨湯)。如果想同朋友Hea下吹下水，呢度都算一個唔錯嘅選擇。
張貼
