CHEF STAGE de Eddy Chu

一直都想搵間有情調而且食物質素又好既西餐廳去約會，終於搵到啦，當然要即刻訂位準備好所有野啦！一入門口就見到餐廳名，當日客人好多，慶幸自己有提早幾日訂枱。餐牌太多不能盡錄，睇完餐牌後揀左幾款菜式，都是以海鮮為主。首先來到既係迷你海鮮拼盤，有生蠔、聖子帶子刺生還有蝦和鮑魚，5種類都好新鮮。生蠔味道清甜，帶有少少海水味，沒有鐵鏽味，非常好。聖子刺生口感很爽脆，帶子亦好鮮嫩，而蝦和鮑魚更鮮味十足，鮑魚口感煙韌，軟硬度適宜，推薦！接住到日本帶子配蜜糖麵豉汁，餐廳上菜會一道一道上，食完先上下一道，唔會令到無位放，唔錯。日本帶子夠鮮甜不在話下，配蜜糖麵豉汁都係第一次試，汁以甜味為主，帶有微微酸味，非常開胃。呢個松露煮日本年糕，一放枱面已經好香松露味，年糕好有口感，愈咀嚼會愈香松露味。最後到檸檬生焗智利鱸魚柳，賣相一流值得一提，最中意無骨啖啖肉既感覺，而且非常鮮嫩同好多魚味，配菜的紫薯蓉亦非常美味，推薦！總括而言，餐廳食物質素好，價格亦合理，整個用餐過程感覺好舒適。