OPPA Coffee Bar Restaurant

黎到有「韓國街」之稱既金巴利街，處處都係韓國餐廳或者係賣韓國野既店鋪，韓國迷黎到就好幸福啦！今晚就同兩個朋友仔黎到呢間OPPA Coffee Bar Restaurant食飯。約咗七點黎，未坐滿，可以即刻入座。坐低冇耐，就越來越多人，再夜D就要係店外等位。店內設計舒適柔和，牆上擺放唔少韓國飲品。睇完MENU之後，見有得自製小丸子，就點咗個章魚流心小丸子黎玩下。店員好快就拎咗個爐黎，仲有蛋漿同埋芝士粒。雖然個MENU有教點整，但係一見到個爐，就有D手足無措。好彩店員好細心咁問我地駛唔駛示範俾我地睇。我地睇完之後就自己整。呢個章魚流心小丸子係用炒飯作底，再配以章魚粒、芝士粒、同蛋漿，轉轉下就整到一牒小丸子啦！自己整俾自己食，真係特別滋味！因為有炒飯作底，食落好飽肚。紫菜包飯係韓國必食，一上枱就見到份量都唔少。夾起紫菜包飯就見到材料豐富，有蘿蔔絲、雞蛋絲、火腿、青瓜絲等，配料比飯更多，都被紫菜包實，夾起唔會散開，食落味道比較清。JUMBO芝士蛋卷一上枱係見唔到舊蛋卷，因為上面鋪滿椰菜絲同埋D醬汁。夾起一件睇睇，充滿醬汁、芝士，隱約見到蛋包着紫菜同埋配料。食落唔會乾身，而且食材配搭得好好！點蒜