影片
更多
2022-06-25
346 瀏覽
店鋪：Bali Bowl@Freshlane (北角)地址：北角電氣道233號城市中心1樓47A及59號舖Freshlane呢排天氣成日好反覆，就算放假但喺一落雨就唔想出街🌧。之前去過北角電氣道嘅Freshlane知道嗰度有好幾間嘅雲端廚房外賣店，見天陰陰，所以上網Order咗個外賣，趁無雨狗衝過去拎嘢食返去一邊睇書一邊食📖今次揀咗呢間主打印尼菜嘅@balibowl.hk 🇮🇩，因為上佢哋嘅官網落單滿$150仲可以即減$50😍，真喺平好多；買滿$300仲可以全港免費送貨，不過我住咁近就緊喺自己去拎啦😎✝️特式五花腩飯 $88用咗東南亞地區好常見嘅叄巴醬(Sambal)去炒五花腩，喺娘惹菜、星馬同印尼嘅街邊小食成日都會見到，裡面有炸紅蔥、炸蒜🧄、辣椒同蝦醬等材料，食落香辣惹味。五花腩切開一條條，一啖肉一啖肥膏真喺勁邪惡😈，另外仲配咗隻太陽蛋同炒豆角✝️海鮮蝦醬炒飯 $68本身睇顏色同埋見到個名寫住「蝦醬炒」以為會好濃味，點知食落又幾適中，當中加咗魚蛋、蝦乾🦐、椰菜、蔥花等，口感幾豐富，唔會好油膩，不過如果多啲其他海鮮配料就更好，同樣有隻太陽蛋。唔食海鮮嘅人仲可以揀雞肉蝦醬炒飯🐓✝️沙嗲雞肉串(
地址：北角電氣道233號城市中心1樓47A及59號舖Freshlane
呢排天氣成日好反覆，就算放假但喺一落雨就唔想出街🌧。之前去過北角電氣道嘅Freshlane知道嗰度有好幾間嘅雲端廚房外賣店，見天陰陰，所以上網Order咗個外賣，趁無雨狗衝過去拎嘢食返去一邊睇書一邊食📖
今次揀咗呢間主打印尼菜嘅@balibowl.hk 🇮🇩，因為上佢哋嘅官網落單滿$150仲可以即減$50😍，真喺平好多；買滿$300仲可以全港免費送貨，不過我住咁近就緊喺自己去拎啦😎
✝️特式五花腩飯 $88
用咗東南亞地區好常見嘅叄巴醬(Sambal)去炒五花腩，
喺娘惹菜、星馬同印尼嘅街邊小食成日都會見到，裡面有炸紅蔥、炸蒜🧄、辣椒同蝦醬等材料，
食落香辣惹味。
五花腩切開一條條，一啖肉一啖肥膏真喺勁邪惡😈，另外仲配咗隻太陽蛋同炒豆角
✝️海鮮蝦醬炒飯 $68
本身睇顏色同埋見到個名寫住「蝦醬炒」以為會好濃味，點知食落又幾適中，
當中加咗魚蛋、蝦乾🦐、椰菜、蔥花等，口感幾豐富，唔會好油膩，不過如果多啲其他海鮮配料就更好，同樣有隻太陽蛋。
唔食海鮮嘅人仲可以揀雞肉蝦醬炒飯🐓
✝️沙嗲雞肉串(3串) $34
用香料醃製咗嘅雞肉串，雞肉唔算好嫩，不過又未到嚡口嘅程度，
有陣陣香茅味，蘸埋佢哋自家製嘅沙嗲花生醬就更加好食😋如果就咁睇個價錢的確有啲貴，不過用咗滿$150減$50嘅優惠真喺抵食好多👍
張貼
