影片
更多
2019-07-03
937 瀏覽
其實我假期耐唔耐都會嚟牛角食個燒肉Set Lunch，因為貪佢平過Dinner好多，價格由六十幾至百零蚊就有交易，豐儉由人，可以止下燒肉癮！呢到嘅Set Lunch有唔同價位，每個價位都包昆布湯、沙律、白飯同埋飲品，可以要轉牛角飯就要加$18，啲飯可以無限添食架！簡直係大胃王嘅福音！今次我叫咗燒肉定食B，揀咗腹胸肉同豬頸肉，調味就要咗燒肉汁，啲肉醃得好入味，基本上唔使另外點醬汁食，豬頸肉嘅肉質好爽口，燒完帶點油香，好味；而腹胸肉脂肪就比較少，所以肉質較韌，但肉味都相當濃！牛角飯同以往一樣咁好食，加咗醬油同大量紫菜喺面，入面仲撈咗啲芝麻！咁簡單嘅配搭已經好好味！必食！飲品方面，我嗌咗原味活乳酸梳打，味道正常，btw而家牛角全線為咗支持環保，全線都唔會提供飲管，要飲管就要加$2👍🏻👍🏻
呢到嘅Set Lunch有唔同價位，每個價位都包昆布湯、沙律、白飯同埋飲品，可以要轉牛角飯就要加$18，啲飯可以無限添食架！簡直係大胃王嘅福音！
今次我叫咗燒肉定食B，揀咗腹胸肉同豬頸肉，調味就要咗燒肉汁，啲肉醃得好入味，基本上唔使另外點醬汁食，豬頸肉嘅肉質好爽口，燒完帶點油香，好味；而腹胸肉脂肪就比較少，所以肉質較韌，但肉味都相當濃！
牛角飯同以往一樣咁好食，加咗醬油同大量紫菜喺面，入面仲撈咗啲芝麻！咁簡單嘅配搭已經好好味！必食！
飲品方面，我嗌咗原味活乳酸梳打，味道正常，btw而家牛角全線為咗支持環保，全線都唔會提供飲管，要飲管就要加$2👍🏻👍🏻
張貼
