影片
更多
2022-12-15
3205 瀏覽
⋰牛大人台灣火鍋吃到飽；獨佔鰲頭！初嚐牛大人晚市？⋰食到第五次牛大人先第一次食晚市。為慶祝閨蜜第一次食牛大人，特意嗌鴛鴦鍋大肆慶祝一番。試過旺角、尖沙咀、沙田分店，今次銅鑼灣呢間迫到水泄不通，以為自己行緊維園年宵。開咗咁多間分店情況都無改善，then you know打邊爐嚟講牛大人真係無敵。𖦹 澳洲極上和牛120分鐘吃到飽套餐 ＄328 鴛鴦湯底 ＋＄50阿嬤養生湯鍋清香鮮甜，非常養生；招牌嘅牛大人紅燒牛骨鍋牛骨味濃郁，帶胡椒嘅辣勁，惹味至極！叫得最貴嘅餐當然主力食牛：澳洲M5和牛肩肉、安格斯牛小排、手切封門柳，特別推介SRF美國黑牛後腿肉，油花豐富，肉嫩。第一次食屬於稀有部位嘅牛胸爽，口感爽脆。每人獲得兩粒和牛丸，彈牙多汁，再叫就要課金啦。新試咗鱸魚片，由台灣直送，魚味特濃，完全唔腥。呢度嘅魚滑依然係咁耐以嚟打邊爐食過最多種、最好味嘅魚滑，今次encore返其貌不揚但令人驚嘆嘅蟹籽墨魚漿，以及新嚟嘅黑松露海鮮漿，以松露香更突顯海鮮嘅鮮甜。小食一如既往地因為太多嘢食而被果斷放棄。嘢飲除咗白桃烏龍等樽裝茶，仲多咗落單嗌嘅選擇，例如酸梅汁、金桔椰果等。最驚喜係有黑糖珍珠鮮奶，竟然毫不馬虎
食到第五次牛大人先第一次食晚市。為慶祝閨蜜第一次食牛大人，特意嗌鴛鴦鍋大肆慶祝一番。試過旺角、尖沙咀、沙田分店，今次銅鑼灣呢間迫到水泄不通，以為自己行緊維園年宵。開咗咁多間分店情況都無改善，then you know打邊爐嚟講牛大人真係無敵。
𖦹 澳洲極上和牛120分鐘吃到飽套餐 ＄328
鴛鴦湯底 ＋＄50
阿嬤養生湯鍋清香鮮甜，非常養生；招牌嘅
牛大人紅燒牛骨鍋牛骨味濃郁，帶胡椒嘅辣勁，惹味至極！叫得最貴嘅餐當然主力食牛：澳洲M5和牛肩肉、安格斯牛小排、手切封門柳，特別推介SRF美國黑牛後腿肉，
油花豐富，肉嫩。第一次食屬於稀有部位嘅牛胸爽，口感爽脆。每人獲得兩粒和牛丸，彈牙多汁，再叫就要課金啦。
新試咗鱸魚片，由台灣直送，魚味特濃，完全唔腥。呢度嘅魚滑依然係咁耐以嚟打邊爐食過最多種、最好味嘅魚滑，今次encore返其貌不揚但令人驚嘆嘅蟹籽墨魚漿，以及新嚟嘅黑松露海鮮漿，以松露香更突顯海鮮嘅鮮甜。小食一如既往地因為太多嘢食而被果斷放棄。
嘢飲除咗白桃烏龍等樽裝茶，仲多咗落單嗌嘅選擇，例如酸梅汁、金桔椰果等。最驚喜係有黑糖珍珠鮮奶，竟然毫不馬虎，珍珠超煙韌呢，最後食埋杯movenpick 雪糕就是個perfect ending。
張貼
