NUTTEA (海光街) (已結業)

前排鰂魚涌太古坊開咗間台式飲品，每次路過都係大排長龍，一直都好多搵日試吓，今日見時間充裕就同朋友一齊去買返杯飲。我買咗凍烏龍堅果奶蓋茶，微糖少冰。堅果奶蓋勁厚，份量差唔多佔成杯茶四分之一至三分之一，仲有埋匙羹比你食個奶蓋，非常貼心，奶蓋質感好thick好有實在感，口感細滑，仲要淡淡堅果香。而茶底揀咗烏龍茶，就咁飲先會飲到較為濃味道嘅烏龍茶，當攪勻晒之後，烏龍茶就變咗做堅果奶蓋嘅aftertaste。整體來說係好好飲，而且又健康，雖然貴咗少少但應該會再買。