滾得囍宮廷火鍋小炒

今日本來諗住過海食飯，後來都係懶所以都係響港島搵食算啦，因為好想食卜卜蜆，所以就去咗位於北角地鐵站附近的「滾得囍宮廷火鍋小炒」。呢度係用QR Code 落單，都幾方便，每張枱都有屏風分隔開，私穩度都幾好，唔駛你眼望我睇。呢度有好多款湯底可以揀，有我最鍾意既麻辣湯底，但今日我係為卜卜蜆而來，所以最後湯底我都係揀咗卜卜蜆。點完菜，店員會送上前菜，是一個好精緻的器皿，入面放咗5款前菜(2 x $28)：橋頭丶脆花生丶酸菜、蠶豆、芥末雲耳順治特色卜卜蜆鍋 ($198) - 成鍋都係卜卜蜆，分量好足，又大隻，蜆肉好鮮甜 ，連個湯可以飲 。手切頂級安格斯牛肉 (細) ($288) - 安格斯牛肉油花分佈得好均勻，放入清甜既卜卜蜆湯入面白灼灼一灼就可以食，肉質入口即溶，好有牛味，讚伊比利亞橡果豬 ($188) - 豬肉肥瘦適中，豬味好濃，不會鞋口，灼完都好嫩滑。最後，店員會送上每人一碗奶凍，奶凍入口滑溜有奶香，可以清下味蕾。