487
23
9
港鐵北角站 A2 出口, 步行約2分鐘 繼續閱讀
電話號碼
23313838
開飯介紹
走華麗宮廷風的火鍋店。推介四川麻辣湯底火鍋及手打丸拼盤。 繼續閱讀
營業時間
今日營業
16:00 - 00:00
星期一至日
16:00 - 00:00
公眾假期
16:00 - 00:00
公眾假期前夕
16:00 - 00:00
*截單時間: 00:00
付款方式
Visa Master AlipayHK 支付寶 現金
座位數目
100
其他資料
網上訂座
Wi-Fi
酒精飲品
自帶酒水
切餅費
VIP房
電話訂座
賞訂座積分
加一服務費
當面支付
有關獎賞計劃
食評 (540)
等級4 2020-10-08
1068 瀏覽
2020年9月28日 星期一今晚預先同屋企人做節,費事中秋節正日預約唔到餐廳食飯,又怕太多人今次選擇左北角嘅一間火鍋店,位置係一間商場裏面,地鐵站一出就到,就算落大雨都唔怕濕,位置幾方便。入到去裏面見到裝修好似古色古香咁,好有中國風情餐牌雖然得一張紙,不過裏面都有唔少食物可以選擇,甚至湯底都有好多款,最後我哋揀咗乾隆12味雜錦鍋,店員話裏面有好多蔬菜,夠晒健康點完餐之後先發現原來枱上面已經放咗火鍋調味配料,可以自行加減喜愛嘅調味料,仲有我最鍾意嘅蒜蓉添等咗一陣火鍋就送到,上面真係有好多唔同款嘅蔬菜,睇落去好新鮮,湯底仲要係奶白色,我飲左少少,都幾鮮甜首先嚟到嘅係餃子拼盤,大約有10粒,有唔同既口味,當中我覺得較有驚喜既係黑松露野菌餃,因為咬落去真係好大陣黑松露味,感覺好特別之後有順德魚腐,食落去好彈牙,又有魚味,同平時食開嘅魚腐好唔同跟住有本地牛頸脊,見到脂肪嘅分布好平均,而且切得好薄,淥兩淥已經熟晒,充滿牛肉味,好腍跟住有手打丸拼盤,有五款唔同嘅丸類,比較少見嘅有菠菜豬肉丸、黑松露野菌鮮蝦丸、珍珠帶子墨魚丸等等,每一款丸類都打得好膠身,夠晒彈牙,強烈推薦!!呢一個係黃金雙拼,其實係鹹蛋炸魚皮同鹹蛋響鈴,完全係邪惡嘅配搭,嚟到嘅時候已經好香,食落去十分爽脆,而且好夠鹹香,我相信我一個人都可以清晒成碟!!最後仲有雙拼魚滑,有黑松露墨魚滑同瑤柱乾貝滑,兩款魚滑嘅配搭都好新鮮,但係出奇地配合,黑松露可以帶出海鮮嘅鮮味,感覺高貴咗好多雖然埋單價錢有啲貴,不過我覺得物有所值,而且難得做節,同屋企人食餐飯,貴少少都唔過分 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-02
740 瀏覽
今日落大雨,好彩朋友book左呢間餐廳係正地鐵站隔離,好近好方便~我地四個人叫左個十二味雜錦鍋,貪佢乜都有d, 店員仲話呢個湯底本身已經有好多菜做,所以可以唔駛特別叫菜,或者之後先加~的確一上鍋有好多菜,薯仔、白菜、菜心、油麥菜、萵筍、蕃茄等等有好多款雜菜,第一啖飲落湯好清甜!本地牛頸脊肉好靚,冇乜肥肉,食落有濃郁的牛味,非常腍,唔駛要醬料都好夠味,我地叫左大份$368, 份量都唔少~清酒鮮牛肉冇牛頸脊咁香咁腍,比較有口感,都好食!雙拼魚滑瑤柱乾貝滑,好香,食到有啲乾貝,好彈牙,平時冇乜食到,幾特別黑松露墨魚滑,好香黑松露味!墨魚滑多彈牙爽口,食到有墨魚的鮮味餃子拼盤(10粒,5款各2粒)餃子每粒都大大粒,而且皮薄得黎唔易穿,粒粒d餡都脹卜卜!我只試了韮菜豬肉餃和黑松露野菌餃韮菜豬肉餃,韮菜非常之香同多!每一啖都有韮菜味~正!黑松露野菌餃亦是口感豐富!由多種菌類包成,加上黑松露的香味,爽口彈牙,食落好實在!手打丸拼盤 (10粒,5款各2粒)我只試了芝士牛肉丸和手打珍珠帶子墨魚丸~正!芝士牛肉丸入面有滿滿的芝士,牛肉好香好多肉汁!值得一試!珍珠帶子墨魚丸食到有原粒帶了!墨魚丸好爽唔彈牙,大粒得黎唔會係一舊粉,真新鮮手打!順德魚腐夠香夠鬆,中間能鎖住湯汁,不錯~黃金雙拼!絕對係必食的邪惡之選!係即炸的黃金魚皮和黃金響鈴!鹹蛋黃淋在上面真係非常之香濃!魚皮炸得超鬆脆!又香又鬆脆!非常高質!而且魚皮都大大塊唔會碎濕濕咁上!好正!響鈴都好脆好食!相比之下炸魚皮更勝一籌!我地仲叫左一榨竹䉀茅概汁,夠清,不會太甜,ok的~4個人食,夠飽~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-23
801 瀏覽
見到「滾得囍」又做優惠,晚市全單78折! 咁平,小編梗係唔執輸啦!😏 如果小編唔係住九龍區嘅話, 「滾得囍」應該會成為家庭飯聚嘅飯堂~😂😂 餐廳門口有張「龍椅」可以打卡影相, 「聖旨」唔只係for影相only, 仲有各款湯底介紹係裏面, 真係可以打開黎「奉天承運皇帝詔曰」~😂😂 湯底有13款之多, 每款湯底都由一位皇帝或者經典歷史人物而命名😂。🌟推薦❗️康熙花膠雞湯鍋(半隻)($298) 湯鍋和材料分開上,保證新鮮足料, 雞湯呈金黃色,可見濃縮左好多雞嘅精華係裏面~ 花膠多到覆蓋左半隻雞,😳😳 呢到仲有宮廷式嘅享受,店員仲會將大塊花膠逐塊剪開方便食用, 花膠燉得軟腍,雞件肉質嫩滑, 湯頭鮮甜,膠原感十足!😋 🌟推薦❗️滾得囍餃子拼盤(十隻)($128) 餃子有5款,每款兩隻,全部餃子大大隻, 有和牛芝士一口餃、新鮮菜苗帶子餃、韮菜豬肉餃、黑松露野菌餃、黃金沙葛餃, 菜苗餃和韮菜餃多菜少肉,爽脆清甜又健康! 黑松露餃散發着濃郁嘅菇菌和黑松露香,啖啖肉,好正! 黃金沙葛餃中嘅沙葛爽脆,鹹香十足! 雖然唔知點解和牛芝士一口餃會叫一口餃, 但個頭真係大到一口真係冇可能食得晒😆,「芝」味十足! 🌟推薦❗️黃金雙拼($88) 黃金炸魚皮+黃金響鈴, 黃金嘅意思即係用鹹蛋黃去炸, 即叫即炸,保證炸脆,鹹香味美,建議一上枱就即刻食! 鬼馬油炸鬼($58) 炸油條中釀入墨魚滑, 仲有矜貴嘅飛魚子點綴,不錯吃! 唐生菜($38)都幾大份,新鮮爽脆! 打完邊爐,梗係要飲返杯自家煲製涼茶滋潤下啦!竹蔗茅根真係好足料,清甜解渴~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-21
510 瀏覽
雖然還有個多星期才到中秋,但天氣已經開始有點涼意,又是時候相約好友去吃火鍋。友人非常貼心,知我向來四肢不勤,所以特意訂了這間離我家不太遠嘅宮廷火鍋店。餐廳位於馬寶道馬寶學林商場一樓,入口處擺放了一張金碧輝煌嘅龍椅,還沒踏進店就已經感受到浮誇的宮廷氣氛。至於室內裝潢亦非常之有格調,以中式古典風木材雕花作設計,而座位之間更用上優雅的通花隔柵作屏風,加上每張檯上都放了一道「聖旨」,感覺特別有氣勢。先看點菜紙,湯底款式非常之多,足足有成 14 款,而配料方面,除了火鍋必食的牛肉之外,還有豬肉、手打丸、秘製魚滑、新鮮海鮮、雞類、餃子、新鮮蔬菜、豆品類、麵食、刺身、炸物和飲品等可供選擇,價錢豐儉由人。友人唔食得辣,又唔想食得太過 Heavy,所以我哋揀咗個清熱下火嘅芫茜皮蛋豆腐馬蹄鍋,再各自選一款火鍋配料。趁湯底未上,先把握時間「混醬」,醬料選擇不多,只得四款,不過全部都有蓋冚好,乾淨企理 (宮廷醬芥每位 $28)。崇德芫茜皮蛋豆腐馬蹄鍋 ($148)  接著送上,待湯滾後,馬上舀一碗試試。湯頭很清甜,芫茜味好重,入口幽香撲鼻。撈起可以見到入面有好多滑溜的皮蛋和豆腐,加上爽口的馬蹄同紅蘿蔔,用料十足。至於火鍋配料方面,貴精不貴多,只點了兩款,有手切頂級安格斯牛肉 ($268/細)  同白鱔片。 牛肉賣相非常靚仔,以乾冰盛著,上桌時煙霧瀰漫,仙氣十足。挾起可以清楚見到牛肉呈漂亮的大理石紋,只須簡單灼一灼就食得,入口鬆化富油香,滋味無窮。另外白鱔片 ($128)  水準亦不俗,外表晶瑩剔透,片片都切得厚薄均勻。肉質非常新鮮,口感軟嫩,而且食落仲帶陣陣魚脂香,正!兩個人 KO 咗一大碟牛,食完咁多肉,當然要點番客蔬菜來平衡一吓,揀咗個唐生菜 ($38),份量合理,入口新鮮爽脆,絕對是火鍋好搭擋。最後再加多個出前一丁 ($20),食完真係超飽肚。希望遲啲限聚令再放寬,可以約多幾個朋友再嚟一齊高興下。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-14
552 瀏覽
環境:👍👍👍👍👍服務:⭐️⭐️⭐️⭐️⭐️味道:😍😍😍😍😍影相:📸📸📸📸📸Encore:95%📝進入前要度體溫 ➖➖➖➖➖➖➖➖➖➖➖➖➖➖➖收到皇帝聖旨要黎呢間「滾得囍」打邊爐🙆‍♀️小人當然不敢怠慢,即刻衝去啦🙈.成場都好有皇室氣派無論係裝潢,餐具定係枱凳都好有feel~門口位有座龍椅,食之前當然要打下卡😎.🔸建寧公主麻辣卜卜蜆鍋 $198同我一樣都係無辣不歡嘅你,呢個湯底就岩哂啦!雖然辣度係Set好左但真係愈食愈辣,辣得好過癮🤣滿堂紅嘅麻辣湯,湯面係滿滿嘅紅辣椒🌶而湯底有勁多隻卜卜蜆架🥳隻隻都大大粒,肉厚無沙,鮮香又麻辣份量多到好似食極都仲有咁😂.🔸新鮮菜苗帶子餃。黃金沙葛餃 $62淨係餃類都有八款每款都好有特色~餃子包到好似乒乓波咁又大又飽滿餃皮超薄但吾易破如果中意味道清新D,菜苗餃就岩哂你入口清甜,仲有帶子增加口感🥳黃金沙葛餃,味道就濃郁D粒粒沙葛都沾滿沙沙鹹蛋黃口感輕脆~.🔸厚切脆炸午餐肉 $68即時驚肥,都抵擋不住炸午餐肉嘅吸引力😂外脆內軟,香氣十足用上優質午餐肉,食到絲絲火腿,真係超正💕.🔸清酒鮮牛肉 $148鮮牛肉用清酒浸至入味,有提鮮嘅作用牛肉紋理鮮明,呈鮮紅色,非常吸引😋係鍋中涮一陣即可口感軟腍,肉味濃郁帶點酒香,大力推薦呀!.🔸足料竹蔗矛根 $68打親邊爐一定配上竹蔗矛根清熱。解渴。解辣,萬用涼茶😂用料夠足,清香味濃仲吾會太甜添🥳.🔸龍口粉絲 $38除左牛肉,粉絲都係必點之一強勁嘅吸湯力,加入少少醋香辣又開胃,真係比公仔麵都好食🙈 繼續閱讀
(以上食評乃用戶個人意見 , 並不代表OpenRice之觀點。)